ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប. សហការជាមួយវិទ្យាស្ថានមេគង្គ ខេត្តកនកេន ប្រទេសថៃ បានរៀបចំវគ្គបណ្ដុះបណ្ដាលស្ដីពី “កម្មវិធីពង្រឹងសមត្ថភាពលើក្របខណ្ឌច្បាប់ស្ដីពីសុវត្ថិភាពម្ហូបអាហារ និងធ្វើឱ្យកាន់តែប្រសើរនូវការអង្កេតទីផ្សាររបស់មន្ត្រីអធិការកិច្ចម្ហូបអាហារ” កាលពីថ្ងៃទី៤ ខែកក្កដា ឆ្នាំ២០២៣។
ក្រោមអធិបតីភាពរបស់លោក ផាន អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប និងលោកស្រី Maria Theresa S. Medialdia នាយកផ្នែកអភិវឌ្ឍន៍កសិកម្ម និងពាណិជ្ជកម្ម នៃវិទ្យាស្ថានមេគង្គ ។
គោលបំណងរៀបចំវគ្គបណ្ដុះបណ្ដាលនេះ ជាវេទិការមួយយ៉ាងសំខាន់ក្នុងការជំរុញ និងលើកកម្ពស់ការយល់ដឹងបន្ថែមមួួយកម្រិតទៀតនៃក្របខណ្ឌច្បាប់ស្តីពីសុវត្ថិភាពម្ហូបអាហារ និងការអនុវត្តន៍ឱ្យកាន់តែប្រសើរនូវកម្មវិធីអង្កេតទីផ្សារដែលជាភារកិច្ចសំខាន់មួយរបស់មន្រ្តីអធិការកិច្ចម្ហូបអាហារនៃអគ្គនាយកដ្ឋាន ក.ប.ប. ។
តាមរយៈបទបង្ហាញពីវាគ្មិនទាំង ៦រូប ដោយក្នុងនោះរួមមានលោក ឌឹម ថេង អគ្គរងនៃអគ្គនាយកដ្ឋាន ក.ប.ប មន្ត្រីនៃនាយកដ្ឋានមន្ទីរពិសោធន៍០៤ រូប និងមន្រ្តីនាយកដ្ឋានកិច្ចការពារអ្នកប្រើប្រាស់០១រូប ដែលជាអតីតអ្នកចូលរួម (Alumni) កម្មវិធីបណ្ដុះបណ្ដាលដោយ វិទ្យាស្ថានមេគង្គ ៕
