សម្ព័ន្ធគណបក្សចំនួន៨ នៅតែដាក់លោក Pita  ជាបេក្ខជននាយករដ្ឋមន្ត្រីបន្តទៀតក្នុងការបោះឆ្នោតជុំទីពីរ

ថៃ ៖ សម្ព័ន្ធគណបក្សចំនួន៨ដឹកនាំដោយគណបក្សឆ្ពោះទៅមុខ ឬ Move Forward បានសម្រេចចិត្តដាក់លោក Pita Limjaroenrat ជាបេក្ខជននាយករដ្ឋមន្ត្រីរបស់ខ្លួនបន្តទៀតក្នុងការបោះឆ្នោតជុំទីពីរនៅថ្ងៃទី ១៩ ខែកក្កដានេះ។

លោក Pita ក៏បានបញ្ជាក់ថា ការសម្រេចចិត្តជំរុញឱ្យមានវិសោធនកម្មកថាខណ្ឌ ២៧២ ដែលអនុញ្ញាតឱ្យព្រឹទ្ធសភាដែលមានសមាជិក ២៥០ រូបអាចបោះឆ្នោតជ្រើសរើសនាយករដ្ឋមន្ត្រី នោះគ្រាន់តែជាគំនិតផ្តួចផ្តើម នៃចលនាឆ្ពោះទៅមុខប៉ុណ្ណោះ មិនមែនសម្ព័ន្ធភាពទាំងមូលនោះទេ។

គណបក្ស Move Forward កំពុងធ្វើការប៉ុនប៉ងពីរដងក្នុងពេលដំណាលគ្នាដើម្បីឱ្យលោក Pita ជាប់ឆ្នោតជានាយករដ្ឋមន្ត្រី តែមួយគឺដើម្បីទទួលបានសំឡេង ៣៧៥ ដែលត្រូវការនៅក្នុងជុំទីពីរ និងមួយទៀតគឺធ្វើការឆ្ពោះទៅរកវិសោធនកម្មកថាខណ្ឌ ២៧២ ដើម្បីធ្វើឱ្យព្រឹទ្ធសភាមិនពាក់ព័ន្ធក្នុងការបោះឆ្នោតនាយករដ្ឋមន្ត្រី៕