សម្តេចតេជោ ហ៊ុន សែន សម្តេចហេងសំរិន សម្តេចសខេង សម្តេចសាយឈុំ សម្តេចទៀបាញ់ ព្រមទាំងព្រះរាជវង្សានុវង្ស ថ្នាក់ដឹកនាំព្រឹទ្ធសភា រដ្ឋសភា រាជរដ្ឋាភិបាល និងមន្ត្រីអ្នកមុខអ្នកការជាច្រើនផ្សេងទៀត បានថ្វាយព្រះរាជដំណើររបស់ព្រះអង្គ នៅអាកាសយានដ្ឋានអន្តរជាតិភ្នំពេញ នាព្រឹកថ្ងៃទី២៣ ខែឧសភានេះ។
តាមកម្មវិធី ដែលបានគ្រោងទុក ព្រះមហាក្សត្រ នឹងគង់ប្រថាប់នៅប្រទេសបារាំង រហូតដល់ថ្ងៃទី២៦ ខែឧសភា ទើបព្រះអង្គ យាងនិវត្តន៍ មកកាន់ប្រទេសកម្ពុជាវិញ។
សូមបញ្ជាក់ថា គណៈកម្មាធិការសម្របសម្រួលអន្តរជាតិ សម្រាប់កិច្ចគាំពារ និងអភិរក្សតំបន់អង្គរ ដែលហៅកាត់ថា ICC-Angkor ត្រូវបានបង្កើតឡើង នៅថ្ងៃទី២១-២២ ខែធ្នូ ឆ្នាំ១៩៩៣ ដោយមានប្រទេសបារាំង និងប្រទេសជប៉ុន ជាសហប្រធាន ក្នុងគោលដៅអភិរក្ស និងអភិវឌ្ឍន៍អង្គរ បន្ទាប់ពីប្រាសាទអង្គរ ត្រូវបានដាក់បញ្ចូលជាសម្បត្តិបេតកភណ្ឌមនុស្សជាតិរបស់អង្គការ យូណេស្កូ ក្នុងកិច្ចប្រជុំនៅសហរដ្ឋអាមេរិក កាលពីថ្ងៃទី១៤ ខែធ្នូ ឆ្នាំ១៩៩២។
ICC-Angkor មានប្រទេសបារាំង និងជប៉ុន ជាសហប្រធាន និងមានសមាជិក ចំនួន ៣៧ប្រទេស មកពី ៥ទ្វីប ព្រមទាំងមានអង្គការអន្តរជាតិចំនួន ១៣ ទៀត៕
