ភ្នំពេញ: រដ្ឋលេខាធិការដ្ឋានអាកាសចរណ៍ស៊ីវិល សរ មុន្នី កាល
ពីថ្ងៃទី២០ ខែវិច្ឆិកា ឆ្នាំ២០២៤ នេះបានអញ្ជើញបើកវគ្គ សិក្ខាសាលាស្តីពី “ការលើកកម្ពស់តួនាទីស្រី្តក្នុងវិស័យ អាកាសចរណ៍ស៊ីវិល” ក្រោមអធិបតីភាព ឯកឧត្តម សរ មុន្នី រដ្ឋលេខាធិការ តំណាងឯកឧត្តមបណ្ឌិត ម៉ៅ ហាវណ្ណាល់ រដ្ឋមន្រ្តីទទួលបន្ទុក រដ្ឋលេខាធិការដ្ឋានអាកាសចរណ៍ស៊ីវិល។
សិក្ខាសាលាស្តីពី “ការលើកកម្ពស់តួនាទីស្រីក្នុងវិស័យអាកាសចរណ៍ស៊ីវិល” មានគោលបំណង បង្កើនសមត្ថភាព និងតម្រង់ទិស ដល់ស្រី្ត ដើម្បីមាន ឱកាសកាន់តួនាទីខ្ពង់ខ្ពស់ក្នុងស្ថាប័ន (កម្រិតនៃការសម្រេច) នៃឧស្សាហកម្មអាកាសចរណ៍ស៊ីវិល។
កម្មវិធីសិក្ខាសាលានេះ មានការធ្វើបទបង្ហាញស្តីពី ការលើកកម្ពស់តួនាទីស្ត្រី ក្នុងវិស័យអាកាស ចរណ៍ស៊ីវិល ការចែករំលែកបទពីសោធន៍ការងារ ជាអាកាសយានិកជាស្រ្តី ការលើកកម្ពស់តួនាទីរបស់ស្រ្តី ក្នុងវិស័យអាកាសចរណ៍ស៊ីវិល ដែលមានការចូលរួមពី ក្រុមប្រឹក្សាជាតិកម្ពុជាដើម្បីស្រ្តី វិស័យឯកជន និសស្សិតមកពីវិទ្យាស្ថានជាតិ អាកាសចរណ៍ស៊ីវិល រួមនឹងថ្នាក់ដឹកនាំ មន្រ្តីនាំរដ្ឋលេខាធិការដ្ឋាន អាកាសចរណ៍ស៊ីវិល សរុប៩៦នាក់។
