សេដ្ឋកិច្ច និងវិនិយោគ

លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានទទួល ជួប លោក តាកាហាស៊ី ហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា និងសហការី ដើម្បីពិភាក្សាការ ងារនៅព្រឹកថ្ងៃទី១៨ ខែមីនា ឆ្នាំ២០២០។ ជាកិច្ចចាប់ផ្ដើម លោករដ្ឋមន្ត្រី បានជម្រាបជូនអំពីផលប៉ះពាល់មួយចំនួនលើសេដ្ឋកិច្ចកម្ពុជា ដែលបង្កដោយជំងឺកូវីដ១៩ ជាពិសេសផលប៉ះពាល់ទៅលើរោងចក្រ និងកម្មករ។តែថ្មីៗនេះ វត្ថុធាតុដើមមួយចំនួនត្រូវបានបញ្ជូនមកដល់ដោយមិត្តចិន ហើយជាមួយនោះដែរ រោងចក្រមួយចំនួនក៏បានចាប់ផ្ដើមដំណើរការឡើងវិញ។ ក្រៅពីនោះកម្ពុជាក៏កំពុងតែរៀបចំយុទ្ធសាស្ត្រពង្រឹងវិស័យសេដ្ឋកិច្ចរបស់ខ្លួនបន្ថែមទៀត រួមមានការធ្វើឲ្យប្រសើរឡើងប្រព័ន្ធហេដ្ឋារចនាសម្ព័ន្ធតភ្ជាប់ ផលិតកម្ម និងពិពិធកម្មទីផ្សារ និងផលិតផល។ លោក ហ្វូមីអាគី បានថ្លែងអំណរគុណ ចំពោះលោករដ្ឋមន្ត្រី ដែលបានទទួលជួបគណៈប្រតិភូរបស់សមាគមជប៉ុន-កម្ពុជា នាពេលនេះ ហើយបានជម្រាបជូនអំពីលទ្ធផលដ៏ល្អប្រសើរនៃដំណើ...

ក្រោមកម្មវិធីហិរញ្ញប្បទានពិសេស របស់រាជរដ្ឋាភិបាល ធនាគារអភិវឌ្ឍន៍ជនបទ និងកសិកម្ម (ធ.អ.ជ. ក.) នៅថ្ងៃទី១៨ ខែមីនា ឆ្នាំ២០២០នេះ បានប្រកាសបើកហិរញ្ញប្បទាន ៥០ លានដុល្លារ ដើម្បីផ្តល់ឥណទានមានការប្រាក់ទាប គាំទ្រដល់សិប្បកម្ម សហគ្រាសធុនតូច និងមធ្យម ក្នុងវិស័យកែច្នៃ ផលិតផលកសិកម្ម វិស័យកសិ-ឧស្សាហកម្ម និងវិស័យកសិកម្ម ក្នុងគោលដៅរួមចំណែក និងពង្រីកផលិតកម្មក្នុងស្រុក ព្រមទាំងជំរុញសកម្មភាពសេដ្ឋកិច្ច បង្កើតការងារថ្មីៗ បន្ថែមដល់ប្រជាពលរដ្ឋ។ ធនាគារអភិវឌ្ឍន៍ជនបទ និងកសិកម្ម បានបញ្ជាក់ថា “សូមអញ្ជើញម្ចាស់សិប្បកម្ម ម្ចាស់សហគ្រាសធុនតូច និងមធ្យម ក្នុងវិស័យកែច្នៃផលិតផលកសិកម្ម វិស័យកសិ-ឧស្សាហកម្ម និងវិស័យកសិកម្ម ដែលមានតម្រូវការ ឥណទានសម្រាប់ពង្រីកអាជីវកម្ម មកដាក់ពាក្យស្នើសុំឥណទានក្រោម កម្មវិធីហិរញ្ញប្បទានពិសេស ចាប់ពីថ្ងៃជូនដំណឹងនេះតទៅ”។ សូមអានព័ត៌មានលម្អិត...

(ភ្នំពេញ)៖ លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានសំដែងនូវការពេញចិត្តនឹងគាំទ្រយ៉ាងខ្លាំង ចំពោះការចូលរួមក្នុងការបណ្តាក់ទុនវិនិយោគរបស់វៀតណាមលើគ្រប់វិស័យ នៅកម្ពុជា ជាពិសេសទៅលើវិស័យកសិកម្ម ដូចជាដំណាំកៅស៊ូជាដើម។ គណៈប្រតិភូវៀតណាមដែលដឹកនាំដោយលោកឧកញ៉ា ឡេង ឫទ្ធី ប្រធានសមាគមចំការកៅស៊ូវៀតណាមប្រចាំកម្ពុជា អមដោយក្លឹបអ្នកធុរកិច្ចវៀតណាមប្រចាំកម្ពុជា ធនាគារកសិកម្មវៀតណាម (AGRI Bank) តំណាងស្ថានទូតវៀតណាមប្រចាំកម្ពុជា សម្ពន្ធក្រុមហ៊ុនថាឌី នាព្រឹកថ្ងៃទី១៨ ខែមីនា ឆ្នាំ២០២០ នៅទីស្ដីការក្រសួងការងារ។ លោករដ្ឋមន្រ្តី បានវាយតម្លៃខ្ពស់ចំពោះការចូលរួម របស់អ្នកធុរកិច្ច និងវិនិយោគិនវៀតណាម ដែលនៅតែបន្តការបណ្តាក់ទុន និងផ្តល់ឱកាសការងារជូនបងប្អូន កម្មករនិយោជិតកម្ពុជា បើទោះជាប្រទេសយើងទាំងពីរកំពុងប្រឈមនឹងជំងឺកូវិដ១៩ ក៏ដោយ។ តំណាងអោយសម្ព័ន្ធក្រុមហ៊ុនវៀតណាមដ៏ធំនៅកម្ពុជា លោកឧកញ៉ា ឡេង ឫទ្ធី...

"ទីផ្សារមូលបត្រ" ដែលភាគច្រើនត្រូវបានគេស្គាល់ថាជា"ទីផ្សារភាគហ៊ុន" គឺជាកន្លែងដែលផ្ដល់ប្រភពទុនដ៏ធំសម្បើមជាងគេគ្មានដែនកំណត់ និងជាប្រភពទុនមិនចេះរីងស្ងួតសម្រាប់អាជីវកម្មដែលមានសក្តានុពលទាំងឡាយនៅលើសកលលោក។ សម្រាប់កម្ពុជា មួយរយ:ពេលចុងក្រោយនេះ គឺមានក្រុមហ៊ុនធំៗមួយចំនួនបានចុះបញ្ជីដាក់ក្រុមហ៊ុនរបស់ខ្លួនចូលទៅក្នុងទីផ្សារមូលបត្រនេះដើម្បីបង្កើនប្រភពទុនរបស់ខ្លួនអោយកាន់តែខ្លាំងនិងពង្រីកខ្លួនអោយកាន់តែលឿន ហើយបង្កើនប្រាក់ចំណេញអោយបានកាន់តែច្រើន ក្នុងនោះដែរក៏មានធនាគារធំៗមួយចំនួនកំពុងតែរៀបចំខ្លួនចូលទៅក្នុងទីផ្សារមូលបត្រនេះដើម្បីចាប់យកឱកាសទាញយកប្រយោជន៍នេះផងដែរ ដូចជាធនាគារ ACELEDA និង ABA... ជាដើម។ រាជរដ្ឋាភិបាលកម្ពុជាតាមរយៈ"គណ:កម្មការមូលបត្រកម្ពុជា" ក៏បាន បង្កើតយន្តការប្រភពទុនថ្មីមួយបន្ថែមទៀតដែលមានឈ្មោះថា "គម្រោងវិនិយោគរួម" ( Collective Investment Scheme) ដែលនេះគឺជាច្រកថ្មីមួយបន្ថែមទៀតជូនដល់សហគ្រិនឬសហគ្រាសកម្ពុជ...

លោក សេង ឡូត អគ្គនាយករដ្ឋបាល និងជាអ្នកនាំពាក្យក្រសួងរៀបចំដែនដី នគររូបនីយកម្ម និងសំណង់ បានព្រមានថា អ្នកមិនគោរពច្បាប់ស្តីពីសំណង់នឹងទទួលរងការផាកពិន័យជាប្រាក់ និងទណ្ឌកម្មទៅលើរូបកាយ ឬដាក់ឲ្យពន្ធនាគារ។ លោកបានបញ្ជាក់ទៀតថា «យើងមិនអាចយកពេលវេលានេះ គ្មានការចាប់ផ្តើមទេ! ហើយពេលនេះជាពេលដែលត្រូវចាប់ផ្តើមអនុវត្តច្បាប់ទាំងអស់គ្នា។ ហេតុនេះចាំមើលទាំងអស់គ្នា តើអាជ្ញាធរឬរដ្ឋធ្វើអ្វីខ្លះ ចំពោះអ្នកល្មើស ព្រោះយើងមានច្បាប់ ហើយត្រូវតែគោរពទាំងអស់គ្នា។ បើមិនដូច្នោះទេ នឹងទទួលរងនូវវិធានការច្បាប់ជាធរមាន»។ ច្បាប់ស្តីពីសំណង់ត្រូវបានអនុម័តកាលពីថ្ងៃទី២ ខែវិច្ឆិកាឆ្នាំ ២០១៩ ហើយតាមរយៈច្បាប់នេះមន្រ្តីជាន់ខ្ពស់របស់ក្រសួងរៀបចំដែនដី នគររូបនីយកម្ម និងសំណងបានអំពាវនាវឲ្យក្រុមហ៊ុនប្រតិបត្តិ និងក្រុមហ៊ុនសាងសង់ទាំងអស់ត្រូវសុំច្បាប់អនុញ្ញាតជាមុនសិនមុនទទួលសិទ្ធិសាងសងនូវគម្រោងផ្សេងៗ ដោយត្រូវអនុវត្តឲ្យបានបទដ្ឋានគុណភាព និងការទទួលខុសត្រ...

អ្នកជំនួញដីធ្លីដ៏ល្បីឈ្មោះមួយរូប លោក ហេរ៉ូ សុជាតិ  ទទួលបានមេដាយព្រះរាជាណាចក្រកម្ពុជាថ្នាក់មហាសិរីវឌ្ឍន៍កាលពីថ្ងៃទី១៥ ខែមិនាឆ្នាំ២០ ២០នេះ ដែលរៀបចំឡើងក្នុងពិធីសម្ភោធសមិទ្ធិផលក្នុងវត្តនាគរង្សី (រោងដំរី) ឃុំរោងដំរី ស្រុកបាភ្នំ ខេត្តព្រែវែង។ លោកហេរ៉ូ សុជាតិ ជាអ្នកជំនួញដីធ្លីកំពុងលេចធ្លោនិងមានឈ្មោះបោះសម្លេងក្នុងសង្គមបានថ្លែងថា"យើងខ្ញុំបានរៀបចំ ពិធីសម្ភោធឆ្លងសាបបេតុង និង ស្រោចស្រពព្រះសុគន្ធវារី ព្រះភិក្ខុ ចរិយាធម្មោ អិត វាសនា ព្រះចៅអធិការវត្ត នាគរង្សី និងក្នុងឱកាសព្រះអង្គទទួលបានមេដាយព្រះរាជាណាចក្រកម្ពុជាថ្នាក់មហាសិរីវឌ្ឍន៍ផងដែរ"។ លោកបានថ្លែងទៀតថា ខ្ញុំព្រះករុណា ហេរ៉ូ សុជាតិ និងក្រុមគ្រួសារ ព្រមទាំងសមាជិកសមាជិការនៃក្រុមហ៊ុនអចលនទ្រព្យ TOP4 REALTY សូមគោរពថ្វាយព្រះ ពរព្រះអង្គអោយមានសុខភាពល្អ ដើម្បីគង់ជាម្លប់បន្តការដឹកនាំ និងអភិវឌ្ឍន៍ទាំងពុទ្ធចក្រ និងអាណាចក្រអោយកាន់តែរីកចំរើនបន្តទៀត។ លោក ហេរ៉ូ...

ក្រោមកិច្ចអន្តរាគមន៍ពីសំណាក់ប្រមុខរាជរដ្ឋាភិបាល ទៅកាន់ភាគីចិន វត្ថុធាតុដើមសម្រាប់បម្រើឲ្យវិស័យកាត់ដេរត្រូវបានដឹកមកដល់កំពង់ផែស្វយ័តក្រុងព្រះសីហនុជាបណ្តើរៗហើយ កាលពីវេលាម៉ោង ១១ និង២៥នាទី យប់ នាថ្ងៃចន្ទ ទី៩ ខែមីនា ឆ្នាំ២០២០ តាមរយៈនាវាដឹកជញ្ជូនឈ្មោះ SITC Fujian។ រហូតដល់ថ្ងៃអាទិត្យចុងសប្តាហ៍នេះ យើងរំពឹងថាមានកប៉ាល់ចំនួន១២គ្រឿងនឹងចូលចតនៅកំពង់ផែក្រុងព្រះសីហនុជាមួយនិងវត្ថុធាតុដើមបន្ថែមទៀត។...

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់នៅក្នុងឱកាសអញ្ជើញជាអធិបតីដ៏ខ្ពង់ខ្ពស់ប្រគល់សញ្ញាប័ត្រជូននិស្សិតនៃវិទ្យាស្ថានវ៉ាន់ដា ចំនួន​៣,៤៥៨​នាក់ នៅកោះពេជ្រ ព្រឹកថ្ងៃទី១០ ខែមីនា ឆ្នាំ ២០២០ នេះថា «កម្ពុជាបានត្រៀមថវិកាបម្រុងប្រមាណពី ៨០០ ទៅ ២,០០០លានដុល្លារអាមេរិក សម្រាប់ទុកដោះស្រាយ និងទប់ស្កាត់ការរីករាលដាលនៃជំងឺកូវីដ-១៩ នៅក្នុងប្រទេសកម្ពុជា»។ ទន្ទឹមនឹងនោះដែរ សម្តេចតេជោនាយករដ្ឋមន្រ្តី បានសុំឲ្យបងប្អូនប្រជាពលរដ្ឋកុំមានការភ័យខ្លាចជ្រុលខ្លាំងពេករហូតដល់បាត់បង់ស្មារតីម្ចាស់ការខ្លួនឯងដោយសារជឿទៅលើការបំពុលព័ត៌មានមិនពិតពីក្រុម​ជនអគតិមួយចំនួន។ បងប្អូនត្រូវមានសេចក្តីក្លាហាន និងមានការពិចារណាអោយបានល្អិតល្អន់ត្រឹមត្រូវក្នុងការដោះស្រាយបញ្ហានានារួមទាំងបញ្ហាជំងឺឆ្លងកូវីដ-១៩ នេះផងដែរ។ សម្តេចតេជោនាយករដ្ឋមន្រ្តី បានណែនាំដល់ប្រជាពលរដ្ឋ ប្រសិនបើ បងប្អូនមានអាការៈសុខភាពខុសពីប្រក្រតីដូចជាអាការៈក្តៅខ្លួ...