តាកែវ៖ កម្លាំងសមត្ថកិច្ចចម្រុះ បានចាប់រថយន្ត១គ្រឿង ដឹកមាន់ចំនួន ៤០៧ស្រកាស្មេី៣២៥៦ក្បាល ដែលដឹកចេញពីប្រទេសវៀតណាមចូលមកកម្ពុជា តាមច្រកកំណប់កែវ( យុិនយ៉ា) នៃស្រុកគីរីវង្ស ខេត្តតាកែវ នៅវេលាម៉ោង០២ ទៀបភ្លឺ ថ្ងៃទី ០១ ខែសីហា ឆ្នាំ២០១៩ ។
ការចុះបង្រាបនេះក្រោមការបញ្ជាដ៏ហ្មឺងម៉ាត់ពី លោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វនិងផលិតកម្ម ឲ្យក្រុមការងារអន្តរាគមន៍បង្ក្រាបបទល្មើសចលនាសត្វ ហសការជាមួយកងកម្លាំងរាជអាវុធហត្ថលើផ្ទៃប្រទេសឃាត់និងចាប់រថយន្ត១គ្រឿង ដឹកមាន់ចំនួន ៤០៧ស្រកាស្មេី៣២៥៦ក្បាល ដែលដឹកចេញពីប្រទេសវៀតណាមចូលមកកម្ពុជា តាមច្រកកំណប់កែវ( យុិនយ៉ា) នៃស្រុកគីរីវង្ស ខេត្តតាកែវ ។
ការដឹកជញ្ជូនសត្វមាន់នេះ ពុំមានលិខិតអនុញ្ញាតអ្វីទាំងអស់ ហើយត្រូវបានឃាត់នៅចំណុចផ្លូវជាតិលេខ២ ភូមិកំពង់ជ្រៃ ឃុំកំពង់ជ្រៃ ស្រុកកោះអណ្តែត បន្ទាប់មកក្រុមការងារដឹកបញ្ជូនវត្ថុតាង និងបទល្មើសទាំងនោះមករក្សាទុកនៅចត្តាឡីស័ករបស់អគ្គនាយកដ្ឋាន ដើម្បីចាត់ការទៅតាមនិតិវិធី៕
