ប្រព័ន្ធផ្សព្វផ្សាយ AP បានចុះផ្សាយថា ក្រុមហ៊ុន LG Electronics Inc បានចេញលក់ទូរស័ព្ទប្រភេទថ្មី G8X ThinQ ដែលមាន Screen ពីរ ដោយ Screen នីមួយៗមានទំហំធំដល់៦.៤អ៊ីង ដែលអាចប្រើប្រាស់ផ្សេងពីគ្នាក៏បាន ឫអាចប្រើបញ្ចូលគ្នាតែមួយក៏បាន ។
លោក Kyle Yoon អ្នកចាត់ការជាន់ខ្ពស់ផ្នែកផលិតផល LG បាននិយាយថា ទូរស័ព្ទ LG Screen ពីរនេះ ត្រូវបានផលិតឡើងដើម្បីបំពេញតម្រូវការប្រើប្រាស់របស់អតិថិជននៅជុំវិញពិភពលោក ។
លោក Kyle Yoon បានបន្តថា អ្នកប្រើប្រាស់អាចប្រើមុខងារពីរលើទូរស័ព្ទ LG Screen ពីរនេះក្នុងពេលតែមួយបាន ដោយ Screen មួយមើលវីដេអូ និង Screen លេងហ្គេមក៏បាន ។
លោក បានបញ្ជាក់ទៀតថា ទូរស័ព្ទ LG Screen មិនអាចប្រើប្រាស់ជាមួយបច្ចេកវិទ្យាជំនាក់ទី៥ 5G របស់ក្រុមហ៊ុន Huawei របស់ប្រទេសចិនបានទេ ប៉ុន្តែអាចប្រើប្រាស់ប្រព័ន្ធបច្ចេកវិទ្យាជំនាន់ទី៤ 4G បាន ៕
