បាត់ដំបង៖ នគរបាលស្រុកបាណន់ ខេត្តបាត់ដំបង ចាប់ខ្លួនយុវជនម្នាក់ បានកាប់ឪពុកម្តាយបង្កើតរបស់ខ្លួនឲ្យរបួសធ្ងន់ ដោយលើកហេតុផលថាទាំងពីរ ជាខ្មោចលៀនអណ្ដាត ។ កាលពីថ្ងៃទី២៣ ខែកញ្ញា ឆ្នាំ២០១៩។
ជនសង្ស័យឈ្មោះ លុយ សុធី ហៅ ជយ អាយុ២៦ឆ្នាំ រស់នៅជាមួយឪពុកម្តាយ នៅភូមិឆាយរំពាត់ ឃុំកន្ទឺ២ ស្រុកបាណន់ ខេត្តបាត់ដំបង ។
នគរបាលបានឲ្យដឹងថា កាលពីវេលាម៉ោង២កន្លះ រសៀលថ្ងៃទី២២ ខែកញ្ញា ឆ្នាំ២០១៩ បានកាប់ឪពុក ឈ្មោះ លុយ វ័រ អាយុ៦៧ឆ្នាំ ឲ្យរបួសក្បាលយ៉ាងធ្ងន់ធ្ងរ និងម្តាយឈ្មោះ ស៊ុន ភាន អាយុ៦២ឆ្នាំ រងរបួសបន្តិចបន្តួច។
នគរបាលបានឲ្យដឹងទៀតថា យុវជនរូបនេះ មានជំងឺសរសៃប្រសាទ និងធ្លាប់បង្កអំពើហិង្សា ដោយដេញកាប់ឪពុក ម្ដាយ បងប្អូន សាច់ញាតិ ជាច្រើនលើកច្រើនសាររួចមកហើយ ៕
