ទំហំនៃការវិនិយោគលើវិស័យសំណង់នៅទូទាំងប្រទេសមានតម្លៃទឹកប្រាក់កើនឡើងសរុបប្រមាណជាង៧ លានដុល្លារអាមេរិក ក្នុងគម្រោងវិនិយោគថ្មីប្រមាណជាង ៤ពាន់គម្រោង ដែលគ្រោងសាងសង់លើផ្ទៃក្រឡាប្រមាណជាង១៥លានម៉ែត្រការ៉េ។
នាយកដ្ឋានស្ថិតិ និងវិភាគសេដ្ឋកិច្ចនៃក្រសួងសេដ្ឋកិច្ច និងហិរញ្ញវត្ថុបានបង្ហាញថា ពាក់ព័ន្ធនឹងគម្រោងវិនិយោគលើវិស័យសំណង់ គិតមកដល់ត្រឹម ខែតុលា ឆ្នាំ២០១៩ នេះ ក្រសួងរៀបចំដែនដី នគរូបនីយកម្ម និងសំណង់ បានអនុញ្ញាតលើសំណើសុំសាងសង់សរុបទូទាំងប្រទេសជាក់ស្តែងក្នុងខែតុលា ឆ្នាំ២០១៩ មានចំនួនប្រមាណ ៥៣៤ គម្រោង ដោយគ្រោងសាងសង់លើផ្ទៃដីជាង ២ លានម៉ែត្រក្រឡាក្នុងទំហំវិនិយោគជាទឹកប្រាក់ប្រមាណជាង ១ ពាន់លានដុល្លារអាមេរិក។
បើគិតរយៈពេល ១០ ខែ ឆ្នាំ ២០១៩ គម្រោងសាងសង់ថ្មីមានចំនួនប្រមាណ ៤ ១៥២ គម្រោង ក្នុងនោះ មានតម្លៃនៃទំហំវិនិយោគនៅលើវិស័យនេះសរុប ៧៥៦៤លានដុល្លារអាមេរិក ដោយវិនិយោគនៅលើផ្ទៃក្រឡាប្រមាណជាង១៥ លានម៉ែត្រការ៉េ។
ជុំវិញការអភិវឌ្ឍន៍វិស័យសំណង់នេះ ចំពោះសំណើរសុំសាងសង់តាមប្រភេទនីមួយៗរួមមាន សំណង់សាធារណៈមានប្រមាណ ៧២ គម្រោង ប្រើប្រាស់ថវិកា រាជរដ្ឋាភិបាលមាន ២៩ គម្រោង ថវិកា វិស័យឯកជន ៤៣ គម្រោង ការសាងសង់លំនៅឋាន និងភូមិគ្រឹះជាង៣ពាន់គម្រោងសំណង់ឧស្សាហកម្ម ១៦៧ គម្រោង សំណង់ពាណិជ្ជកម្ម ២៥៥គម្រោង។
សំណង់ទេសចរ ១០៩ គម្រោងនិងសំណង់ផ្សេងៗទៀតមានចំនួន ២២ គម្រោងផងដែរ ក្នុងនោះ ពាក់ព័ន្ធផ្ទៃក្រឡា ដែលផ្តល់ការអនុម័តដោយក្នុងការសាងសង់ដោយមន្ទីរមានចំនួនជាង ២ លាន ៣ សែនម៉ែត្រការ៉េ និងការផ្តល់ដោយក្រសួងរៀបចំដែនដី នគរូបនីយកម្ម និងសំណង់ មានចំនួនជាង ១២ លានម៉ែត្រការ៉េ៕