លោក ប៊ូ ច័ន្ទនារិទ្ធ នាយកប្រតិបត្តិ្កមីក្រូហិរញ្ញវត្ថុ រ៉ូល្យា អ៊ីនធើប្រាយ បានមានប្រសាសន៍នៅថ្ងៃទី២០ ខែធ្នូនេះថា ដោយសារតែការធ្វើអាជីវកម្មយើងទទួលបានការគាំទ្រច្រើនពីអតិថិជនក្នុងស្រុក និងដើម្បីបង្កើនប្រសិទ្ធភាពការងារឲ្យកាន់តែងាយស្រួលនោះ គណគ្រប់គ្រងរបស់គ្រឹះស្ថានមីក្រូហិរញ្ញវត្ថុ រ៉ូល្យា អ៊ីនធើប្រាយ បានសម្រេចប្តូទីតាំងរបស់ខ្លួនជាផ្លួវការហើយស្ថិតនៅផ្ទះលេខ ១២៨ D៣ ផ្លូវលេខ ៨៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
លោកនាយកប្រតិបត្តិលើកឡើងទៀតថា« គោលបំណងធំរបស់គ្រឹះស្ថានមីក្រូហិរញ្ញវត្ថុយើងខ្ញុំចាប់ពីពេលនេះទៅយើងបានផ្លាស់ប្តូរទីតាំងថ្មីហើយ ដើម្បីធ្វើយ៉ាងណាពង្រីកវិសាលភាពរបស់ក្រុមហ៊ុនឲ្យបានកាន់តែធំបន្ថែមទៀតនៅលើទីផ្សារកម្ពុជាយើង ហើយដំបូងឡើយពីអគារតែ១ ល្វែងនោះទេ ប៉ុន្តែឥឡូវនេះក្រុមហ៊ុនយើងមានអគាររហូតដល់ទៅ២ ល្វែងផងដែរ និងមានកំពស់ពី៣ ទៅ៤ ជាន់តែម្តង»។
យោងតាម លោក ប៊ូ ច័ន្ទនារិទ្ធ បានបន្តទៀតថា តាមពិតទៅជាធម្មតា កាលណាក្រុមហ៊ុនយើងមានការរីកចម្រើននោះពិតណាស់ នឹងត្រូវពង្រីកវិសាលភាពបន្ថែមទៀតក៏ដូចជា បម្រើសេវាកម្មឲ្យកាន់តែខិតជិតនិងអតិថិជន ដែលពួកគាត់ត្រូវការសេវាកម្មរបស់គ្រឹះស្ថានមីក្រូហិរញ្ញវត្ថុយើងខ្ញុំ ដើម្បីយកទៅពង្រីកអាជីវកម្មនិងវិនិយោគ។
នៅឆ្នាំ២០២០ខាងមុខនេះ គ្រឹះស្ថានមីក្រូហិរញ្ញវត្ថុ រ៉ូល្យា អ៊ីនធើប្រាយ នឹងបង្កើនធនធានមនុស្សឲ្យបានកាន់តែច្រើនថែមទៀតស្របតាមការរីកចម្រើនសេដ្ឋកិច្ចរបស់ប្រទេសកម្ពុជា និងត្រៀមបង្កើតសាខានៅរាជធានីខេត្តក្រុងផងដែរ ធ្វើយ៉ាងណាឲ្យសេវាកម្មហិរញ្ញវត្ថុកាន់តែសម្បូរបែបនឹងមានប្រសិទ្ធភាពខ្ពស់ដល់អតិថិជនទាំងក្នុងនិងក្រៅប្រទេស។
បច្ចុប្បន្ននេះ គ្រឹះស្ថានមីក្រូហិរញ្ញវត្ថុ រ៉ូល្យា អ៊ីនធើប្រាយ ទទួលបានការគាំទ្រយ៉ាងខ្លាំងនៅរយៈពេលប៉ុន្មានឆ្នាំចុងក្រោយនេះ ហើយការឈជើងនាមយ៉ាងរឹមមាំដល់សព្វថ្ងៃនេះគឺ មកពីថ្នាក់ដឹកនាំមានគុណធម៌ សីលធម៌ និងចំណេះដឹងខ្ពស់ ដឹងសុខទុក្ខរបស់អតិថិជនឬឯកបុគ្គលិកអ្នកបម្រើសសេវាកម្មវិញប្រមូលផ្តុំដោយអ្នកជំនាញៗ និងមានវិជ្ជាជីវៈខ្ពស់ផ្នែក ហិរញ្ញវត្ថុដោយឈលើផលិតផលសេវាកម្មរហ័ស និងលឿនដល់ដៃអតិថិជន ដែលមានតម្រូវការនិងប្រើប្រាស់ប្រាក់កម្ចីនិងឥណទាន ដើម្បីយកទៅពង្រីកអាជីវកម្ម និងបង្កើតចំណូលដល់សេដ្ឋកិច្ចក្នុងស្រុក។