កងកម្លាំងទ័ពថ្មើរជើង អមដោយរថក្រោះជាច្រើនគ្រឿងរបស់ប្រទេសទួរគី បានបើកធ្វើសមយុទ្ធយោធាទ្រង់ទ្រាយធំមួយ នៅតាមព្រំដែនជាប់ជាមួយប្រទេសស៊ីរីភាគខាងជើង តាមការចុះផ្សាយរបស់ Yahoo News។
ប្រព័ន្ធផ្សព្វផ្សាយរដ្ឋទួរគី បានឲ្យដឹងថា សមយុទ្ធយោធានេះ ត្រូវបានធ្វើឡើង ខណៈដែលក្រសួងការពារជាតិទួរគី បានបញ្ជូនកងកម្លាំងទ័ពថ្មើរជើង អមដោយរថក្រោះ និងរថយន្តបំពាក់ដោយអាវុធជាច្រើនគ្រឿងទៅកាន់តំបន់ព្រំដែនជាប់ជាមួយខេត្ត អ៊ីលីប ប្រទេសស៊ីរី ។
ក្រុមឃ្លាំមើលផ្នែកសិទ្ធិមនុស្សស៊ីរី ដែលមានមូលដ្ឋាននៅអង់គ្លេស Syrian Observatory for Human Rights បានឲ្យដឹងថា ការធ្វើសមយុទ្ធយោធារបស់ប្រទេសទួរគី ក៏ត្រូវបានធ្វើឡើងស្របពេលគ្នាជាមួយនឹងក្រុមសកម្មប្រយុទ្ធរដ្ឋអ៊ីស្លាម ISIS កំពុងបង្កើនឥទ្ធិពលរបស់ខ្លួននៅខេត្ត អ៊ីតលីប ប្រទេសស៊ីរី ជាប់ព្រំដែនជាមួយប្រទេសទូរគីដែរ ៕
