ប្រភពពី RT ឲ្យដឹងថា រដ្ឋមន្ត្រីការបរទេសរបស់សហរដ្ឋអាមេរិក លោក Mike Pompeo បានចេញសេចក្តីប្រកាសថា អាមេរិកនឹងមិនដកអ្នកការទូតរបស់ខ្លួនចេញពីប្រទេសវែណេស៊ុយអេឡាទេ ទោះបីជាប្រធានាធិបតីវែណេស៊ុយអេឡា លោក Nicolas Maduro បានប្រកាសកាត់ផ្តាច់ទំនាក់ទំនងការទូតទាំងស្រុង ជាមួយអាមេរិកក៏ដោយ ។

លោក Mike Pompeo បានបញ្ជាក់ថា អាមេរិកនឹងធ្វើអន្តរាគមន៍យោធាទៅលើប្រទេសនេះ ប្រសិនបើអ្នកការទូតរបស់ខ្លួនមិនមានសុវត្ថិភាព ឫបើមានករណីចាប់បាច់ណាមួយ ដែលត្រូវធ្វើអន្តរាគមន៍យោធាលើប្រទេសវែណេស៊ុយអេឡា ។

សូមបញ្ជាក់ថា លោក Nicolas Maduro បានប្រកាសទុកពេល៧២ម៉ោង ឲ្យមន្ត្រីទូតអាមេរិកទាំង អស់ចាកចេញឲ្យផុតពីទឹកដី វែណេស៊ុយអេឡា ហើយបើមិនចាកចេញតាមកាលកំណត់ទេ លោកនឹងមិនទទួលខុសត្រូវលើសន្តិសុខទេ ៕