(ភ្នំពេញ)៖ ក្រុមគ្រូពេទ្យរបស់សហភាពសហព័ន្ធយុវជនកម្ពុជា សហការជាមួយសភាសម្ព័ន្ធសហជីពជាតិកម្ពុជា និងអាជ្ញាធរខេត្តកំពង់ស្ពឺ នឹងរៀបចំកម្មវិធីពិនិត្យសុខភាព និងព្យាបាលជំងឺជូនកម្មករនិយោជិត និងប្រជាពលរដ្ឋ ដោយឥតគិតថ្លៃ នៅថ្ងៃអាទិត្យ ទី២៧ ខែមករា ឆ្នាំ២០១៩ ចាប់ពីម៉ោង ៧ព្រឹកតទៅ នៅសាលាបឋមសិក្សាអង្គខ្មៅ ( ក្បែរវត្តអង្គខ្មៅ ) ក្នុងឃុំសំបូរ ស្រុកសំរោងទង ខេត្តកំពង់ស្ពឺ។
ប្រភេទជំងឺ ដែលគ្រូពេទ្យ ពិនិត្យព្យាបាល មាន ១៧ ប្រភេទ រួមមាន៖ ជំងឺទូទៅ ជំងឺបេះដូង និងសរសៃឈាម ជំងឺមនុស្សចាស់ ជំងឺត្រចៀក ច្រមុះ បំពង់ក ជំងឺសើស្បែក និងកាមរោគ ជំងឺផ្លូវចិត្ត ជំងឺកុមារ ជំងឺតម្រង់នោម ជំងឺភ្នែក ជំងឺវះកាត់ និងរោគសន្លាក់ ជំងឺមាត់ធ្មេញ រោគស្ត្រី និងពិនិត្យផ្ទៃពោះ មន្ទីរពិសោធន៍ចល័ត ផ្នែកអេកូសាស្ត្រ ពិនិត្យបឋម និងវាស់សម្ពាធឈាម កន្លែងបើកឱសថ និងអប់រំសុខភាពសាធារណៈ៕
