អន្តរជាតិ៖ ទូរទស្សន៍សិង្ហបុរី Channel News Asia បានផ្សព្វផ្សាយឲ្យដឹងកាលពីថ្ងៃទី២៨ ខែមីនា ឆ្នាំ២០២១ថា នៅទូទាំងប្រទេសមីយ៉ាន់ម៉ា ក្រុមប្រឆាំងនៃរបបយោធាដែលកាន់អំណាច បាននាំកាន់ទុក្ខចំពោះអ្នកស្លាប់ យ៉ាងហោចណាស់មនុស្ស ជាង១១៤នាក់បានត្រូវគេសម្លាប់ ដោយកងកម្លាំងសន្តិសុខ នៅក្នុងថ្ងៃបង្ហូរឈាមចាប់តាំងពីរដ្ឋប្រហារយោធានៅថ្ងៃទី១ ខែកុម្ភៈ ប៉ុន្តែបានប្តេជ្ញាបន្តតវ៉ាដើម្បីបញ្ចប់ ការគ្រប់គ្រងរបស់កងទ័ព ។
អ្នកស៊ើបអង្កេតអង្គការសហប្រជាជាតិ (អ.ស.ប) បានលើកឡើងថា កងទ័ពកំពុងធ្វើឲ្យ “ឃាតកម្មកាន់តែទ្រង់ទ្រាយធំ”។
គណៈកម្មាធិការតវ៉ាកូដកម្មទូទៅនៃជាតិ ហៅកាត់ថា (GSCN) បានប្រកាសនៅលើបណ្តាញហ្វេសប៊ុក ថា “យើងសូមគោរពវីរៈជនរបស់យើង ដែលបានពលីជីវិតក្នុងបដិវត្តនេះ ហើយយើងត្រូវតែឈ្នះបដិវត្តនេះ” ។
កាលពីថ្ងៃសៅរ៍ ក៏បាននាំមកនូវការប្រយុទ្ធ ដ៏ខ្លាំងមួយចំនួនផងដែរ ចាប់តាំងពីមានរដ្ឋប្រហាររវាងកងទ័ព និងក្រុមប្រដាប់អាវុធជនជាតិភាគតិច ដែលគ្រប់គ្រងប្រទេស ។
ក្រុមសង្គមស៊ីវិលបាននិយាយនៅថ្ងៃអាទិត្យនេះថា យន្ដហោះយោធាបានសម្លាប់មនុស្សយ៉ាងតិច ៣នាក់ នៅក្នុងការវាយឆ្មក់មួយនៅលើភូមិមួយ ដែលគ្រប់គ្រងដោយក្រុមប្រដាប់អាវុធ មកពីជនជាតិភាគតិចការ៉ែន ។ ដោយបានសម្លាប់មនុស្ស ១០នាក់។ យន្តហោះវាយប្រហារតាមអាកាស បានបង្ខំឲ្យអ្នកភូមិភៀសខ្លួនចូលទៅក្នុងព្រៃ ៕
