លោក ស៊ី ជីនពីង ប្រធានាធិបតីចិននឹងធ្វើដំណើរទស្សនកិច្ចទៅកាន់តំបន់អឹរ៉ុប មានប្រទេសអ៊ីតាលី បារាំង និងប្រទេសម៉ូណាកូ នៅក្នុងសប្តាហ៍នេះ ។ តាមសេចក្តីប្រកាសរបស់រដ្ឋមន្ត្រីការបរទេសចិន លោក វ៉ាង យី ។
លោក វ៉ាង យី បានបន្តថា លោក ស៊ី ជីនពីង នឹងចាប់ផ្តើមចេញដំណើរទស្សនកិច្ចទៅ កាន់តំបន់អឺរ៉ុបនៅ ថ្ងៃព្រហស្បតិ៍ ទី២១ ហូតដល់ថ្ងៃទី២៦ ខែមីនា ឆ្នាំ២០១៩នេះ ដែលជាដំណើរទស្សនកិច្ចដ៏សំខាន់បំផុតក្នុងគម្រោងសាងសង់ផ្លូវសូត្រ ឫខ្សែក្រវ៉ាត់មួយ ផ្លូវមួយរបស់ប្រទេសចិន ។
សូមបញ្ជាក់ថា រហូតមកដល់ឆ្នាំ២០១៩នេះ អ៊ីតាលីនៅមិនទាន់សម្រេចចិត្តឲ្យ បានដាច់ស្រេចនៅឡើយ ក្នុងការចូលរួមជាមួយប្រទេសចិន ក្នុងគម្រោងសាងសង់ផ្លូវសូត្រ ឫខ្សែក្រវ៉ាត់មួយ ផ្លូវមួយរបស់ប្រទេសចិន ដែលផ្លូវសូត្រនេះ នឹងតភ្ជាប់ពីចិនទៅកាន់បណ្តា ប្រទេសចំនួន១៥២ប្រទេសនៅជុំវិញពិភពលោក ដោយកាត់ចំតំបន់គ្រីមារបស់ប្រទេសរុស្ស៊ី ដែលទើបនឹងផ្តាច់ខ្លួនចេញពីប្រទេសអ៊ុយក្រែន ។
នៅពេលបច្ចុប្បន្ននេះ ចិនកំពុងអភិវឌ្ឍន៍ផ្លូវសូត្រនេះ ដោយឆ្លងកាត់ឧបទ្វីប៥នៅជុំវិញ ពិភពលោក រួមបញ្ចូលទាំងទ្វីអាស៊ី អឺរ៉ុប អាហ្វ្រិក តំបន់មជ្ឈិមបូព៌ា និងតំបន់ផ្សេងទៀត ក្នុង គោលដៅស្រូបទាញវិសាលភាពសេដ្ឋកិច្ចមកកាន់ប្រទេសចិន ៕
