ភ្នំពេញ៖ ក្រុមហ៊ុនស៊ុបភើអេប ដែលជាក្រុមហ៊ុនឡូជីស្ទីកឈានមុខគេមួយ នៅកម្ពុជា កាលថ្ងៃទី៣០ ខែកក្កដា ឆ្នាំ២០២២ កន្លងទៅនេះ នៅការិយាល័យកណ្តាល បានសហការជាមួយក្លឹបកំណប់ទ្រព្យធុរកិច្ច ដើម្បីជួយក្នុងការជ្រើសរើសតំណាងដឹកជញ្ជូន នៅក្នុង ២៥ ខេត្ត-ក្រុង ដោយពុំចាំបាច់មានដើមទុនអ្វីឡើយ។
ក្រុមហ៊ុនស៊ុបភើអេប នឹងជួយជ្រោមជ្រែងបណ្តុះបណ្តាលពីវិស័យដឹកជញ្ជូន ឡូជីស្ទិកនេះ និងការគ្រប់គ្រងអាជីវកម្មខ្នាតតូចនេះ ឲមានការរីកចម្រើន មុនពេលបើកសាខាតំណាងនៅតាមទីតាំងទាំងនោះ។ នេះជាឱកាសដ៏វិសេសវិសាលបំផុត ដែលនឹងផ្តល់កន្លែងការងារ ជាង ៣០០ កន្លែង តាមទីតាំងឃុំ ស្រុក សង្កាត់ ខ័ណ្ឌ ខេត្ត។
យោងតាមកិច្ចសហការនោះបង្ហាញថា ក្នុងការរៀបចំយុទ្ធសាស្រ្តថ្មីៗបន្ថែមទៀត និងជាដៃគូរយុទ្ធសាស្រ្តជាមួយរាជរដ្ឋាភិបាល ក្នុងវិស័យឡូជីស្ទីក និងដឹកជញ្ជូន ជាពិសេស កិច្ចសហការជាមួយក្រសួងប្រៃសនីយ៍ និងទូរគមនាគមន៍ ក្រសួងសេដ្ឋកិច្ច និងហិរញ្ញវត្ថុ មើលឃើញយ៉ាងច្បាស់ពីទស្សនះវិស័យមុតស្រួលក្នុងវិស័យដ៏មានសារះសំខាន់ និងជាការស្តារឡើងវិញនូវសេដ្ឋកិច្ច ក្រោយពីការជួបព្យុះភ្លៀង នៃការរាតត្បាតនៃជម្ងឺឆ្លងកូវីដ១៩។
ក្លឹបកំណប់ទ្រព្យ សូមប្រកាសរើសតំណាងសាខា ចំនួន ២០០ កន្លែង តាមរយះសមាគម អង្គការក្រៅរដ្ឋាភិបាល និងបងប្អូន ដែលចង់មានមុខរបរផ្ទាល់ខ្លួន ដោយពុំចាំបាច់ចំណាកស្រុក ។
