ភ្នំពេញ៖ លោកឧត្ដមសេនីយ៍ត្រី នាយប៉ុស្តិ៍ តែងតែបរិចាកថវិកាផ្ទាល់ខ្លួន របស់លោកឧបត្ថម្ភ ដល់មន្ត្រីជួបការលំបាកគ្រប់ៗគ្នា ជាក់ស្ដែងនៅ ថ្ងៃទី ២៣ ខែមករា ឆ្នាំ២០២៣ លោកបានចាត់បញ្ជូន លោកវរសេនីយ៍ទោ យ៉ូន សាមាន និងលោកវរសេនីយ៍ត្រី សឿង សុខេន តំណាងប៉ុស្តិ៍ចុះសួរសុខទុក្ខ លោកស្រីអនុសេនីយ៍ត្រី ញ៉ាន លីដា នាយរងផ្នែក ដែលបានលម្ហែមាតុភាព កាលពីថ្ងៃទី៧ ខែមករា ឆ្នាំ២០២៣ វេលាម៉ោង ១១:១៥នាទី ។
លោកស្រី ញ៉ាន លីដា សម្រាកនៅមន្ទីរសម្រាកព្យាបាល និងសម្ភព ឃាង សុឃឿន ដែលមានទីតាំងស្ថិតនៅផ្លូវជាតិលេខ ៨ ស្រុកស្វាយអន្ទរ ខេត្តព្រៃវែង និងកំពុងសម្រាកព្យាបាលបន្តនៅគេហដ្ឋាន ស្ថិតនៅភូមិព្រៃទួលថ្មី ឃុំក្របៅ ស្រុកកំចាយមារ ខេត្តព្រៃវែង ដោយមានសុខភាពល្អប្រសើរ
ក្នុងការចុះសួរសុខទុក្ខនេះ លោកនាយរងប៉ុស្តិ៍ បាននាំយកនូវថវិកា ភេសជ្ជៈនិងគ្រឿងឧប ភោគ បរិភោគមួយចំនួនដែលជា ជំនួយឧបត្ថម្ភរបស់លោកឧត្ដមសេនីយ៍ត្រី នាយប៉ុស្តិ៍ ជូនដល់លោកស្រីរួមមាន៖ ថវិកាចំនួន ២លានរៀល, ទឹកដោះ គោឆៅ ១កេសធំ, ទឹកក្រូច ៥កេស, ទឹកសុទ្ធ ៥កេស, ត្រីខ ១កេសធំ, មី ១កេសធំ, ទឹកត្រី ៥យួរ, ទឹកស៊ីអ៊ីវ ៥យួរ៕
