ភ្នំពេញ៖ វាគ្មិនល្បីៗឯកទេស២រូបបានបង្ហាញគម្រូនៃការអប់រំច្រើនភាសានៅកម្ពុជា និងគំនិតពិចារណាសំខាន់ៗសម្រាប់មាតាបិតា អាណាព្យាបាលសិស្ស” ដែលសិក្ខាសាលានេះបានរៀចំឡើងនៅសាលាអន្តរជាតិគ្រីនហ្វៀល (Greenfield International School) កាលពីថ្ងៃទី៨ខែកក្តដា ឆ្នាំ២០២៣។
លោក Wayne E. Wright ជាសាស្រ្តាចារ្យ នៃសាកលវិទ្យាល័យភឺដ្យូ (Purdue University) នៃសហរដ្ឋអាមេរិក បានធ្វេីបទបង្ហាញអំពីគម្រូនៃការអប់រំច្រេីនភាសា តាមរយ:ការសិក្សាស្រាវជ្រាវជំវិញពិភពលោក ក៏ដូចជាប្រទេសកម្ពុជាផងដែរ។
លោក ចាប វិក្រាន្ត ជាបេក្ខជនបណ្ឌិតនៃសាកលវិទ្យាល័យភឺដ្យូ (Purdue University) ក៏បានបង្ហាញចំណុចសំខាន់ៗជាច្រេីន ដល់ អាណាព្យាបាលយល់ដឹងឲ្យកាន់តែច្បាស់អំពីការសិក្សាច្រេីនភាសារបស់កូនៗ។
វាគ្មិនខាងលើបានលើកឡើងទៀតថា ពេលនៅផ្ទះសូមមាតាបិតានិយាយភាសាខ្មែរជាមួយកូនៗ និងអនុញ្ញាតឲ្យពួកគេនិយាយភាសាមួយណាក៏បាននៅពេលដែលពួកគេនៅតូច សូមកុំបង្ខំកូន ព្រោះអាចធ្វេីឲ្យកូនៗមានសម្ពាធ មិនមានទំនាក់ទំនងល្អក្នុងក្រុមគ្រួសារ ក៏ដូចជាសង្គមរស់នៅទាំងមូល។
សូមជម្រាបថា បុព្វហេតុនៃការបង្កើតសាលាអន្តរជាតិគ្រីនហ្វៀល នេះឡើងគឺជាការប្រមូលផ្តុំដោយអ្នកជំនួញវ័យក្មេងល្បីៗនៅកម្ពុជាមានឈ្មោះបោះសម្លេងក្នុងសង្គម ដែលមានបទពិសោធន៍ជាង២០ឆ្នាំលើវិស័យអប់រំនិងបណ្តុះបណ្តាលមានស្តង់ដារអន្តរជាតិ ។
យោងតាមការបញ្ជាក់ពីលោកនាយក គណៈគ្រប់គ្រងសាលាអន្តរជាតិគ្រីនហ្វៀលប្តេជ្ញាអភិវឌ្ឍ និងធ្វើជាថ្នាលបណ្តុះ បណ្តាលដ៏ធំ ដែលបំពាក់កម្មវិធីសិក្សា អប់រំជាតិ អន្តរជាតិ រួមទាំងបរិក្ខាសិក្សាទំនេីបៗ។
ចំណុចសំខាន់ឥឡូវនេះ ទាំងរាជរដ្ឋាភិ បាល និងវិស័យឯកជន បានចាប់ដៃគ្នាយ៉ាងសស្រាក់សស្រាំ ក្នុងការអភិវឌ្ឍឲ្យវិស័យអប់រំ ឲ្យកាន់តែមានការរីកចម្រេីនដូចបរទេស។
ចំណែកវិស័យឯកជនវិញ បានរៀបចំថ្នាលបណ្ដុះបណ្តាលប្រកបដោយស្តង់អន្តរជាតិ គឺប្រៀបបានការសិក្សាកម្រិតអន្តរជាតិផងដែរ ដោយមិនបាច់បញ្ជូនកូនចៅទៅសិក្សានៅបរទេសនោះឡើយ គឺសាលាអន្តរជាតិគ្រីនហ្វៀល ជាថ្នាលអប់រំ តែមួយគត់ដែលមានគុណភាពខ្ពស់ តាមស្តង់ដារ អន្តរជាតិពេញលេញ។
គួរបញ្ជាក់ផងដែរថា សាលាអន្តរជាតិគ្រីនហ្វៀលនឹងចាប់ផ្តេីមឆ្នាំសិក្សាថ្មីនៅថ្ងៃទី០៧ ខែសីហា ឆ្នាំ២០២៣ ខាងមុខនេះ។
មាតាបិតា អាណាព្យាបាលសិស្ស អាចទាក់ទងបានតាមរយ:លេខទូរស័ព្ទ និងតេឡេក្រាមដូចខាងក្រោម៖
Smart : 098 777 138 (ទូរស័ព្ទ និងតេឡេក្រាម)
Cellcard: 089 777 138
Metfone: 068 777 138
អាសយដ្ឋាននៅ អគារលេខ ៩៨៩ ផ្លូវលេខ២០០RBIS សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ចម្ងាយ ៤៥០ ម៉ែត្រពីវត្តទួល ឬ ១២០០ ម៉ែត្រពីផ្សារទួលសង្កែ។