ភ្នំពេញ៖ លោក ប៉ាត់ ចំណាន ប្រធានសាខាបារមីផែនសហគ្រិនវ័យក្មេងនៃក្រុមការងារយុវជនគណបក្សប្រជាជនកម្ពុជារាជធានីភ្នំពេញ ចូលរួមអបអរសាទរ លោក ហៃ ស៊ីណា ត្រូវបានតែងតាំង ជាទីប្រឹក្សាជាន់ខ្ពស់របស់ប្រធានផែនសហគ្រិនវ័យក្មេងនៃក្រុមការងារយុវជនគណបក្សប្រជាជនកម្ពុជារាជធានីភ្នំពេញ។
លោកគ្រូបណ្ឌិត អោម សេងបូរ៉ា ប្រធានផែនសហគ្រិនវ័យក្មេងនៃក្រុមការងារយុវជនគណបក្សប្រជាជនកម្ពុជារាជធានីភ្នំពេញ តែងតាំង « លោក ហៃ ស៊ីណា» ជាទីប្រឹក្សាជាន់ខ្ពស់របស់ប្រធានផែនសហគ្រិនវ័យក្មេងនៃក្រុមការងារយុវជនគណបក្សប្រជាជនកម្ពុជារាជធានីភ្នំពេញ ។
សូមបញ្ជាក់ជូនថា លោក ហៃ ស៊ីណា ជាអតីតការីនិពន្ធព័ត៌មាន BTV ។ បច្ចុប្បន្នជាចាងហ្វាងសារព័ត៌មាន ដេលីខ្មែរ អធិប្បាយព័ត៌មានសេដ្ឋកិច្ច និងនយោបាយ ហើយជាសមាជិកក្រុមការងារអង្គការចាត់តាំងគណបក្សប្រជាជនកម្ពុជា ប្រចាំតំបន់ កាណាហ្គាវ៉ា សៃតាម៉ា និង ហ្គូនម៉ាក់នៃ ប្រទេសជប៉ុនផងដែរ។
បទពិសោធន៍លើវិស័យព័ត៌មានជិត ២ទស្សវត្តមកនេះ លោក ហៃ ស៊ីណា បានប្រឹងប្រែងតស៊ូលើវិជ្ជាជីវៈមួយនេះ រហូតក្លាយជាអ្នកមានថ្វីមាត់ លើផ្នែកព័ត៌មាន ទាំងសេដ្ឋកិច្ចនិងនយោបាយ។
រយៈពេល៥ឆ្នាំនេះ លោកបានចេញមុខធ្វើអត្ថាធិប្បាយផ្នែក នយោបាយ និងបច្ចុប្បន្នភាពកម្ពុជា ដើម្បីការពារមរតសន្តិភាព ដែលបង្កើតឡើងដោយសម្តេចតេជោ ហ៊ុន សែន នាយករដ្ឋមន្រ្តី និងជាប្រធានគណបក្សប្រជាជនកម្ពុជា។ ដោយសារតែលោកហ៊ានចេញមុខការពារគណបក្សប្រជាជនកម្ពុជា និងសន្តិភាពជាតិ ទើបធ្វើឲ្យថ្នាក់ដឹកនាំផែនសហគ្រិនវ័យក្មេង ផ្តល់ទំនុកចិត្ត និងទទួលបានការគាំទ្រពី លោកគ្រូធំបណ្ឌិត អោម សេងបូរ៉ា ប្រធានផែនសហគ្រិនវ័យក្មេងនៃក្រុមការងារយុវជនគណបក្សប្រជាជនកម្ពុជារាជធានីភ្នំពេញ ដោយបានចេញ លិខិតតែងតាំងផ្លូវការ។
លោក ហៃ ស៊ីណា ជាអ្នកកាសែតខ្មែរមួយរូប មានស្រុកកំណើត នៅភូមិនដូនដោក ឃុំជាច ស្រុកកំចាយមារ ខេត្តព្រៃវែង កាលពីខែមីនា ឆ្នាំ២០២២ លោកក៏ទទួលបានគ្រឿងឥស្សរិយយស មុនីសោភ័ណ្ឌ ថ្នាក់ធិបឌិន្ឌ ពី ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមការងារថ្នាក់ជាតិ ចុះជួយ ស្រុកពញាក្រែក ខេត្តត្បូងឃ្មុំ និងឃុំជាច ស្រុកកំចាយមារ ខេត្តព្រៃវែង ៕
