រដ្ឋមន្ដ្រីក្រសួងយុត្តិធម៌ តែងតាំងលោក ជីវ កេង ជាប្រធានស្ដីទីតុលាការកំពូល

យោងតាមលិខិតបង្គាប់ចុះថ្ងៃទី១៤ ខែសីហា ឆ្នាំ២០២៣ របស់រដ្ឋមន្ដ្រីក្រសួងយុត្តិធម៌ បានបញ្ជាក់ថា «ឯកឧត្តម ជីវ កេង អនុប្រធានតុលាការកំពូល ឲ្យទទួលបន្ទុកជាប្រធានស្ដីទីតុលាការកំពូល រហូតដល់មានការតែងតាំងប្រធានតុលាការកំពូលជាផ្លូវការ។ សាមីខ្លួនត្រូវអនុវត្តតាមលិខិតបង្គាប់ការនេះ ឲ្យមានប្រសិទ្ធភាព»។

សូមបញ្ជាក់ថា ព្រះករុណា ព្រះបាទសម្ដេច ព្រះមរបនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យដាក់ឲ្យលោក ឌិត មុន្ទី ប្រធានតុលាការកំពូល ចូលនិវត្តន៍ ជាមួយចៅក្រមតុលាការកំពូល ចំនួន២រូបទៀត ចាប់ពីថ្ងៃទី១៥ ខែសីហា ឆ្នាំ២០២៣ តាមសំណើរបស់សាមីខ្លួន៕