ភ្នំពេញ៖នៅរសៀលថ្ងៃទី១៧ ខែឧសភា ឆ្នាំ២០១៩នេះលោក អ៊ុក សុវណ្ណរិទ្ធ ប្រធានក្រុមប្រឹក្សាជំនុំជម្រះនៃសាលាដំបូងរាធានីភ្នំពេញបាន ប្រកាសសាលក្រមផ្តន្ទាទោសជនជាប់ចោទឈ្មោះ យិន ឃុនម៉ី ហៅ យិន ម៉ាណា ដាក់ពន្ធនាគារកំណត់រយៈពេល ១ឆ្នាំ ប៉ុន្តែអនុវត្តទោសចំនួន២ខែក្នុងពន្ធនាគារទោសនៅសល់ត្រូវព្យួរ។
សូមរម្លឹកថា មានករណីគ្រោះថ្នាក់ចរាចរណ៍បង្កដោយឈ្មោះ យិន ឃុនម៉ី ហៅ យិន ម៉ាណា បានបើករថយន្តម៉ាកRange Rover ព័ណ៌ខ្មៅពាក់ស្លាកលេខភ្នំពេញ2AF-7777 បានបើកបុកនិស្សិតម្នាក់ឈ្មោះ ឌុំ រីដា បណ្តាលឲ្យស្លាប់កាលពីថ្ងៃទី២៦ ខែមីនា ឆ្នាំ២០១៩។
សូមបញ្ជាក់ថា បន្ទាប់ពីឃាត់ខ្លួនបញ្ជូនទៅកាន់តុលាការលោក ប៊ុនធីចៅក្រមស៊ើបសួរនៃសាលាដំបូងរាជធានីភ្នំពេញនៅថ្ងៃទី២៩ខែមីនាឆ្នាំ២០១៩ បានចេញដីការឱ្យឃុំខ្លួនជនជាប់ចោទឈ្មោះ យិន ឃុនម៉ី ហៅ យិនម៉ាណាជាបណ្តោះអាសន្ននៅពន្ធនាគាររាជធានីភ្នំពេញ(PJ)៕
