ព្រះវិហារ៖ សម្តេចក្រឡាហោម ស ខេង ឧបនាយកដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី២៧ ខែមិថុនា ឆ្នាំ២០១៩នេះ បានធ្វើជាគណៈអធិបតី ក្នុងពិធីប្រកាសចូលកាន់តំណែងលោកប្រាក់ សុវណ្ណ ជាអភិបាលខេត្តព្រះវិហារ ជំនួសលោកអ៊ុន ចាន់ដា ដែលត្រូវបានផ្ទេរភារកិច្ច ទៅជាអភិបាលខេត្តកំពង់ចាម។
សូមបញ្ជាក់ថា កាលពីថ្ងៃទី២៤ ខែមិថុនា ឆ្នាំ២០១៩ ព្រះករុណាព្រះបាទ សម្តេចព្រះបរមនាថ នរោត្តមសីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញ ព្រះរាជក្រឹត្យ តែងតាំង លោកប្រាក់ សុវណ្ណ អភិបាលរងខេត្តស្វាយរៀង ទៅជាអភិបាលខេត្តព្រះវិហារ ។
ដោយសម្តេច បានលើកឡើងថា ព្រៃឡង់នៅខេត្តព្រះវិហារ និងខេត្តស្ទឹងត្រែង គឺធំជាងគេនៅអាស៊ីអាគ្នេយ៍។ ហើយក្នុងនោះសម្តេចក៏ជាប្រធានគ្រប់គ្រងសម្បត្តិធនធានធម្មជាតិព្រៃឈើ នៃព្រះរាជាណាចក្រកម្ពុជា ដែលត្រូវបានរាជរដ្ឋាភិបាលតែងតាំងផ្តល់ទំនុកចិត្តដឹកនាំ៕
