(សៀមរាប)៖ ឯកឧត្តម វ៉ាត ចំរើន រដ្ឋលេខាធិការក្រសួងអប់រំ យុវជន និងកីឡា បានលើកឡើងថា ការកសាងសន្តិភាព និងការទូត ត្រូវបានបង្ហាញដោយពាក្យស្លោកថា «កីឡារស់នៅក្នុងសន្តិភាព» ព្រមទាំងការប្តេជ្ញាចិត្តរបស់ប្រទេសកម្ពុជា ក្នុងការលើកកម្ពស់កីឡាជាមធ្យោបាយមួយ ដើម្បីលើកកម្ពស់ការយល់ដឹង ការផ្សះផ្សា និងស្ថិរភាពនៅក្នុងតំបន់ និងក្រៅតំបន់។
ឯកឧត្តម វ៉ាត ចំរើន បានលេីកឡេីងដូចនេះ នាឱកាសតំណាងលោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី ឋមន្ត្រីក្រសួងអប់រំ យុវជន និងកីឡា អញ្ជេីញបិទ សិក្ខាសាលាស្តីពីសកម្មភាពកីឡាអាស៊ាន-ជប៉ុន លើសមភាពយេនឌ័រ នារសៀលថ្ងៃទី១៥ ខែមករា ឆ្នាំ២០២៦នេះ ដោយមានការចូលរួមពីតំណាងសកម្មភាពអាស៊ាន-ជប៉ុនស្តីពីកីឡា និងតំណាងរដ្ឋសមាជិកអាស៊ានចូលរួមផងដែរ។
ឯកឧត្តមបានបន្តថា កិច្ចខិតខំប្រឹងប្រែងផ្នែកការទូតកីឡារបស់កម្ពុជា បានកើតឡើងនៅលេងជាកីឡាករបាល់ទាត់ក្នុងព្រឹត្តិការណ៍នេះផងដែរ។ គំនិតផ្តួចផ្តើមនេះមានគោលបំណងប្រើប្រាស់កីឡា ជាវេទិកាអព្យាក្រឹតមួយ ដើម្បីភ្ជាប់គម្លាតនយោបាយ រួមចំណែកដល់សន្តិភាព និងកិច្ចសហប្រតិបត្តិការក្នុងតំបន់។
ឯកឧត្តម វ៉ាត ចំរើន បន្ថែមថា ដើម្បីរួមចំណែកដល់គោលដៅអភិវឌ្ឍន៍ប្រកបដោយចីរភាព ដែលជាច្រកឆ្ពោះទៅរកសន្តិភាព និងភាពសុខដុមរមនា ប្រទេសកម្ពុជា នៅតែប្រកាន់ខ្ជាប់នូវគោលការណ៍ «កីឡារស់នៅក្នុងសន្តិភាព»។
ឯកឧត្តមបន្តថានៅក្នុងកិច្ចប្រជុំ និងសិក្ខាសាលាផ្សេងៗ ក្រោមអធិបតីភាពរបស់កម្ពុជានៃ SOMS-AMMS និងសំណាងល្អសម្រាប់ឆ្នាំថ្មី ២០២៦ទាំងមូល និងបន្តទៅមុខទៀត។
ឯកឧត្តម វ៉ាត ចំរើន ក្នុងនាមជាប្រទេសម្ចាស់ផ្ទះ និងជាប្រធានកិច្ចប្រជុំកំពូលអាស៊ាន-អាស៊ាន ឆ្នាំ២០២៦-២០២៧ ដើម្បីជាប្រយោជន៍ដល់ការអភិវឌ្ឍកីឡា ប្រកបដោយចីរភាព និងមានទំនួលខុសត្រូវផងដែរ៕
