ភ្នំពេញ:នៅមជ្ឈមណ្ឌលសន្និបាត និងពិព័រណ៍កោះពេជ្រ ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជានៅថ្ងៃទី២៨ ខែមករា ឆ្នាំ២០២៦ បានអញ្ជើញចូលរួមក្នុងពិធីបើកមហាសន្និបាតបូកសរុបការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅការងារសភាពាណិជ្ជកម្មកម្ពុជាឆ្នាំ២០២៦ ក្រោមអធីបតីភាព អ្នកឧកញ៉ា គិត ម៉េង ប្រធានសភាពាណិជ្ជកម្ម ប្រធានគណ:កម្មការ សម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា។
គោលបំណងនៃមហាសន្និបាតនេះ គឺដើម្បីបង្កើតជំនួបពាណិជ្ជកម្ម ក្នុងការឈ្វេងយល់អោយកាន់តែច្បាស់នូវ បរិយាកាសវិនិយោគ កាលានុវត្តភាពធុរកិច្ច ការអភិវឌ្ឍសេដ្ឋកិច្ច និងបង្កើនកិច្ចសហការរវាងធុរជនជាតិ និងអន្តរជាតិទូទាំងប្រទេស។
