យុវជន ៣នាក់នោះ ត្រូវបានកំលាំងអធិការនគរបាលខណ្ឌចំការមន ឃាត់ខ្លួន មានឈ្មោះសួង នាគព័ន្ធ ឈ្មោះជុំ ហួត និង និងឈ្មោះជុំ ហួរ ។ យុវជនទាំង ៣នាក់ ត្រូវបាននាំយកទៅអធិការដ្ឋាននគរបាល ខណ្ឌចំការមន ដើម្បីសាកសួរ។
កាលពីថ្ងៃទី០៩ ខែកក្កដា ឆ្នាំ២០១៩ ប៉ូលិសក៏បានចាប់ខ្លួនយុវជន ៤នាក់ ( ស្រី២ ប្រុស២ ) ដឹកនាំដោយយុវជនឈ្មោះ គង់ រ៉ៃយ៉ា ដែលបានប្រកាសលក់អាវយឺត ដែលមានរូបលោកបណ្ឌិត កែម ឡី។
អាជ្ញាធរសមត្ថកិច្ច មិនអនុញ្ញាតឲ្យជួបជុំ គោរពវិញ្ញាណក្ខន្ធសពលោក កែម ឡី នៅការ៉ាស់សាំង កាល់តិច ស្តុបបូកគោ ក្នុងរាជធានីភ្នំពេញ នេះឡើយ។
សូមបញ្ជាកថា ឃាតកម្មបាញ់សម្លាប់លោកបណ្ឌិត កែម ឡី ត្រូវបានតុលាការបានសម្រេចផ្តន្ទាទោស ឈ្មោះ អឿត អាង ហៅ ជួប សម្លាប់ ដាក់ពន្ធនាគារមួយជីវិត៕
