យោងតាមមន្ត្រីគយ និងកងកម្លាំងការពារព្រំដែនអាមេរិកបានឲ្យដឹងថា ចាប់ពីខែតុលា ឆ្នាំ២០១៨ រហូតដល់ពាក់កណ្តាលឆ្នាំ២០១៩នេះ ជនអន្តោប្រវេសន៍ប្រមាណ៦៨៨០០០នាក់បានឆ្លងកាត់តាមព្រំដែនប្រទេសម៉ិកស៊ិកចូលទឹកដីអាមេរិក ដែលជាចំនួនច្រើនបំផុត ។
ប្រព័ន្ធផ្សព្វផ្សាយ Reuters បានចុះផ្សាយថា ដោយព្រួយបារម្ភពីលំហូរចូលជនអន្តោប្រវេសន៍នេះ រដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ បានបង្ហាញពង្រាងច្បាប់ថ្មីមួយទៀតកាលពីថ្ងៃចន្ទទី១៥ ខែកក្កដានេះ ដែលជាច្បាប់រារាំងលំហូរជនអន្តោប្រវេសន៍ខុសច្បាប់ចូលទឹកដីអាមេរិក ។
ពង្រាយច្បាប់ថ្មីនេះ មានគោលដៅសំខាន់ក្នុងការរឹតបន្តឹង និងរារាំងជនស្វែងរកសិទ្ធិជ្រកកោណនៅតាមតំបន់ព្រំដែនជាប់ជាមួយប្រទេសម៉ិកស៊ិក មិនអោយចូលទឹកដីអាមេរិកទេ នៅពេលខាងមុខនេះ ៕
