ភ្នំពេញ៖ ក្រុមហ៊ុនសុីធី រ៉ាយស៍ អុីមផត អិចផត ខូ អិលធីឌី City Rice Import Export Co., Ltd.នៅរសៀលថ្ងៃទី១៩ ខែកក្កដា ឆ្នាំ២០២៦នេះបានចុះហត្ថលេខាលើកិច្ចសន្យាផលិតផលកសិកម្មជាមួយតំណាងក្រុមកសិករអ្នកផលិតស្រូវ នៅស្រុកបាណន់ ខេត្តបាត់ដំបង ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត កៅ ថាច។
កិច្ចសន្យាកសិកម្មនេះ គឺជាជំហានដ៏សំខាន់ក្នុងការកសាងភាពជាដៃគូរយៈពេលវែងរវាងក្រុមហ៊ុន និងកសិករ ដោយ City Rice ប្តេជ្ញាធានាការទិញស្រូវតាមលក្ខខណ្ឌ និងតម្លៃដែលបានព្រមព្រៀងគ្នា ដើម្បីរួមចំណែកបង្កើនស្ថិរភាពទីផ្សារ កាត់បន្ថយហានិភ័យ និងលើកកម្ពស់ចំណូលរបស់ប្រជាកសិករ។
ជាមួយគ្នានេះ ក្រុមហ៊ុននឹងបន្តសហការជាមួយដៃគូពាក់ព័ន្ធ ដើម្បីជំរុញការផលិតស្រូវប្រកបដោយគុណភាព ស្តង់ដារ និងនិរន្តរភាព ស្របតាមតម្រូវការទីផ្សារ និងការនាំចេញ។
ក្រុមហ៊ុនសុីធី រ៉ាយស៍ អុីមផត អិចផត ខូ អិលធីឌី City Rice Import Export Co., Ltd. សូមថ្លែងអំណរគុណចំពោះ ធនាគារអភិវឌ្ឍន៍ជនបទ និងកសិកម្ម (ARDB) ឯកឧត្តមបណ្ឌិត កៅ ថាច និងបងប្អូនកសិករទាំងអស់ ដែលបានរួមគាំទ្រ និងជឿជាក់លើកិច្ចសហការនេះ។ យើងជឿជាក់ថា ការធ្វើការរួមគ្នានឹងបង្កើតតម្លៃរួម និងភាពរីកចម្រើនប្រកបដោយចីរភាពសម្រាប់វិស័យស្រូវអង្ករកម្ពុជា។
