ប្រធានាធិបតីរបស់ប្រទេសរុស្ស៊ី លោក វ្ល៉ាឌីមៀរ ពូទីន (Vladimir Putin) បានបង្ហាញយន្តហោះចម្បាំងជំនាន់ទី៥ប្រភេទ Su-57 របស់ខ្លួន ឲ្យប្រធានាធិបតីរបស់ប្រទេសទួរគី លោក រ៉េសិប តៃយីប អឺដូហ្កាន (Recep Tayyip Erdogan) បានស្គាល់ កាលពីថ្ងៃអង្គារ ទី២៧ ខែសីហានេះ ដែលនេះបើតាមការចុះផ្សាយរបស់ RT ។
ការបង្ហាញយន្តហោះចម្បាំងជំនាន់ទី៥ប្រភេទ Su-57 ពីលោក ពូទីន ដល់លោក អឺដូហ្កាន ត្រូវបានធ្វើឡើងនៅក្នុងពិធីតាំងពិព័រណ៍យន្តហោះប្រចាំឆ្នាំ២០១៩ ឈ្មោះ MAKS នៅរុស្ស៊ី ដោយមានការដាក់បង្ហាញយន្តហោះចម្បាំង និងយន្តហោះដឹកអ្នកដំណើរជាច្រើប្រភេទ ។
លោក ពូទីន បាននិយាយថា ទួរគីអាចទិញយន្តហោះចម្បាំងជំនាន់ទី៥ប្រភេទ Su-57 ពីរុស្ស៊ីនៅពេលខាងមុខ ដើម្បីបំពេញតម្រូវការលើប្រតិបត្តិការការពារដែនអាកាសរបស់ខ្លួន ក្រោយពីទួរគីបានទិញរួចហើយនូវមីស៊ីល S-400 ពីរុស្ស៊ី ៕
