ភ្នំពេញ៖ កម្លាំងនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ សហការជាមួយប៉ុស្តិ៍ច្រកទ្វារអន្តរជាតិភ្នំពេញនៃនាយកដ្ឋានច្រកទ្វារទី១ បានបញ្ជូនជនជាតិចិនប្រុស.ស្រីចំនួន១៥០នាក់ ពាក់ព័ន្ធបទល្មើស ឆបោកតាមប្រព័ន្ធទូរគមនាគមន៍ (VOIP ) ចេញពីប្រទេសកម្ពុជាតាមយន្តហោះពិសេសរបស់ក្រសួងសន្តិសុខសាធារណៈ នៃសាធារណរដ្ឋប្រជាមានិតចិន នៅថ្ងៃទី២៨ ខែសីហា ឆ្នាំ២០១៩។
សូមបញ្ជាក់ថា ជនជាតិចិនទាំង១៥០នាក់ ត្រូវបាននាយកដ្ឋានប្រឆាំង ភេរវកម្ម និងឧក្រិដ្ឋកម្មឆ្លងដែន និងនាយកដ្ឋានប្រឆាំងបទល្មើសល្បែងពាណិជ្ជកម្ម នៃអគ្គស្នងការដ្ឋាននគរបាលជាតិ បានបង្ក្រាបចំនួន២ករណី។
ទី១-កាលពីថ្ងៃទី២០ ខែកក្កដា ឆ្នាំ២០១៩ បានឃាត់ជនជាតិចិនចំនួន ១៨នាក់ នៅខេត្តកំពងស្ពឺ បទល្មើស ឆបោកតាមប្រពន្ធ័ទូរគមនាគមន៍ VOIP។
២-កាលពីថ្ងៃទី១៥ ខែសីហា ឆ្នាំ២០១៩ ឃាត់ជនជាតិចិនចំនួន ១៣២នាក់ នៅខេត្តព្រះសីហនុ បទល្មើស ឆបោកតាមប្រពន្ធ័ទូរគមនាគមន៍ VOIP ៕
