លោក លូ គឹមឈន់ ប្រធានអគ្គនាយកកំពង់ផែស្វយ័តក្រុងព្រះសីហនុ និងជាប្រធានក្រុមការងារថ្នាក់ជាតិចុះជួយស្រុកស្រីសន្ធរ រួម លោក ឈួន វិន ប្រធានក្រុមជនបង្គោលយុវជនចុះជួយស្រុកស្រីសន្ធរ និងលោក ស៊ីម គង់ អភិបាលនៃគណៈអភិបាលស្រុកស្រីសន្ធរលោកអភិបាលរងស្រុក និងមន្ត្រីសាលាស្រុកនៅថ្ងៃ ទី ១១ ខែកញ្ញា ឆ្នាំ ២០១៩ បានចុះ ពិនិត្យមើលស្ថានភាពទឹកជំនន់ ទីទួលសុវត្ថិភាពនៅតាម បណ្តាល ឃុំងាយរង គ្រោះដោយ ទឹកជំនន់ទន្លេមេគង្គ។
លោក លូ គឹមឈន់ បានអំពាវនាវដល់បងប្អូនប្រជាពលរដ្ឋដែលរស់នៅតំបន់ បាក់ច្រាំទន្លេរនិងតំបន់ងាយរងគ្រោះដោយទឹកជំនន់ ត្រូវបង្កើនការប្រុងប្រយ័ត្នខ្ពស់ពីសត្វអសិរពិស និងត្រូវថែរក្សាសុខភាពរបស់ ខ្លួនអោយជៀស ផុតពីជំងឺ ផ្សេងៗដែលបណ្តាលមកពីការខ្វះអនាម័យជាពិសេស ត្រូវប្រយ័ត្នក្មេងតូចៗកុំឲ្យលេងទឹក។
គិតត្រឹមថ្ងៃទី១១ខែកញ្ញាឆ្នាំ ២០១៩ កម្ពស់ទឹកទន្លេមេគង្គខេត្តកំពង់ចាមមានកម្ពស់១៥.៧៥ ម៉ែត្រ ដែលកម្រិតត្រូវប្រកាសអាសន្នក្នុងខេត្តកំពង់ចាម កម្ពស់ទឹក១៥.២០ម៉ែត្រ៕
