អាមេរិកត្រូវការយន្តហោះចម្បាំង២២៥គ្រឿងសម្រាប់ទប់ទល់នឹងឥទ្ធិពលគូប្រជែង

ឧត្តមសេនីយ៍ Gen.Timothy Ray មេបញ្ជាការនៃទីបញ្ជាការយុទ្ធសាស្ត្រ និងប្រយុទ្ធ សកល (Global Strike Command and Strategic Command) របស់សហរដ្ឋអាមេរិក បានលើកឡើង កាលពីថ្ងៃពុធ ទី១៨ ខែកញ្ញានេះថា កងទ័ពអាកាសអាមេរិក ត្រូវការយន្តហោះចម្បាំងចំនួន២២៥គ្រឿងបន្ថែមទៀត ដើម្បីទប់ទល់នឹងឥទ្ធិពលផ្លូវអាកាសរបស់គូប្រជែង ។

ឧត្តមសេនីយ៍ Gen.Timothy Ray បានបន្តថា យន្តហោះចម្បាំងមួយចំនួនរបស់កងទ័ពអាកាសអាមេរិក គឺហួសសម័យ និងមានលក្ខណៈទ្រុឌទ្រោមកាន់តែខ្លាំង ដែលមិនអាចប្រជែងជាមួយយន្តហោះចម្បាំងរបស់ប្រទេសរុស្ស៊ី ចិន និងប្រទេសមួយចំនួនទៀត ។

យន្តហោះចម្បាំងអាមេរិកប្រភេទ B-1s B-2s និងB-52 គឺជាប្រភេទយន្តហោះចម្បាំងចាស់ និងមិនអាចប្រកួតប្រជែងជាមួយយន្តហោះចម្បាំងជំនាន់ថ្មីរបស់រុស្ស៊ី និងចិន បានទេ ៕