មន្ត្រីជាន់ខ្ពស់ខាងយោធារបស់ប្រទេសរុស្ស៊ី បានលើកឡើងថា ក្នុងរយៈពេលជាង១០ឆ្នាំចុងក្រោយនេះ មេដឹកនាំប្រទេសអារ៉ាប៊ី សាអូឌីត បានចំណាយទឹកប្រាក់អស់ប្រមាណជាង៣៥០ពាន់លានដុល្លារអាមេរិក ក្នុងការទិញគ្រឿងសព្វាវុធស្ទើគ្រប់ប្រភេទពីសហរដ្ឋអាមេរិក ប៉ុន្តែប្រទេសនេះនៅតែមិនអាចការពារប្រេងឥន្ធនៈរបស់ខ្លួនបាន ។
មន្ត្រីជាន់ខ្ពស់ខាងយោធារុស្ស៊ីដដែល បានបន្តថា ប្រសិទ្ធភាពនៃគ្រឿងសព្វាវុធរបស់អាមេរិក មិនអាចឆ្លើយតបតាមការចង់បានដូចការផ្សព្វផ្សាយពាណិជ្ជកម្មដើម្បីលក់នោះទេ តែផ្ទុយទៅវិញ យានដ្រូនចូលវាយប្រហារលើស្ថានីយ៍បូមប្រេងអារ៉ាប៊ី សាអូឌីត តាមចិត្ត ដោយមិនមានអាវុធអាមេរិកមួយណា អាចទប់ស្កាត់បានទេ ។
បច្ចុប្បន្ននេះ អារ៉ាប៊ី សាអូឌីត បានដាក់ពង្រាយខែលការពារមីស៊ីល Patriots ចំនួន៨៨ដើម ដែលបានទិញពីអាមេរិក និងនាវាពិឃាតចំនួន៣គ្រឿង ដែលបំពាក់ដោយមីស៊ីលជាង១០០ដើម ប៉ុន្តែខែលមីស៊ីល និងនាវាចម្បាំង បណ្តោអោយយានដ្រូនវាយប្រហារតាមចិន ៕
