យោងតាមការចុះផ្សាយរបស់ BBC បានបញ្ជាក់ថា ធនាគារពិភពលោក World Bank បានចេញរបាយការណ៍មួយ កាលពីថ្ងៃព្រហស្បតិ៍ ទី២៤ ខែតុលានេះ ពាក់ព័ន្ធនឹងប្រទេសនានានៅជុំវិញពិភពលោក ដែលនឹងកែលម្អបានច្រើនជាងគេនូវបរិយាកាសធ្វើជំនួយក្នុងប្រទេសរបស់ខ្លួនសម្រាប់ឆ្នាំ២០២០ខាងមុខ ។
របាយការណ៍ធនាគារពិភពលោកបានបង្ហាញថា ប្រទេសចិន និងឥណ្ឌា គឺជាប្រទេសដែលនឹងកែលម្អបានច្រើនជាងគេក្នុងការកសាងបរិយាកាសធ្វើជំនួញក្នុងប្រទេសរបស់ខ្លួនអោយបានកាន់តែល្អប្រសើរថែមទៀតនៅឆ្នាំ២០២០ ។
សម្រាប់ចំណាត់ថ្នាក់ឆ្នាំ២០២០នេះ ចិនបានផ្លោះរហូតដល់១៥លេខ ដោយបានឡើងដល់លំដាប់លេខ៣១ លើប្រទេសបារាំងមួយលេខ ក្នុងចំណោមប្រទេសដែលមានបរិយាកាសធ្វើជំនួយល្អជាងគេ ៕
