លោកឧកញ៉ា ភិរម្យ វិចិត្រដារ៉ា អគ្គនាយកក្រុមហ៊ុន Vichet Dara Interprise co..Ldt ដែលកាលពីពេលថ្មីៗនេះ ទើបតែទទួលបានការប្រោស ប្រទាន គោរមងារជាឧកញ៉ាពីព្រះមហាក្សត្រមិនទាន់បានប៉ុន្មានផង ស្រាប់តែឥឡូវនេះលោកទទួលបានសញ្ញាបត្របណ្ឌិតកិត្តិយសលើមុខវិជ្ជាការអភិវឌ្ឍន៍សង្គមពីសកលវិទ្យាល័យ ministies of king’s college, Florida USA។
លោកឧកញ៉ាបានមានប្រសាសន៍ថា ការធ្វើសកម្មភាពទៅក្នុងសង្គមនិងធ្វើរហូតដល់ទទួលបានលទ្ធផលធ្វើរហូតដល់ទទួលបានសញ្ញាប័ត្រ សូមអរគុណដល់សាលាដែលទទួលស្គាល់នូវលទ្ធផលនិងស្នាដៃកន្លងមករបស់ខ្ញុំសូមអរគុណដល់មិត្តភក្កិបងប្អូនដែលចូលរួមក្នុងការជួយសង្គមជាមួយខ្ញុំបាទកន្លងមក»។
លោកឧកញ៉ាលើកឡើងថា នេះជាកិត្តិយសធំណាស់ ហើយជាចំណែកមួយដែលធ្វើឲ្យលោកទទួលបានសញ្ញាបត្របណ្ឌិតមួយនេះ ជាចុងក្រោយសូមផ្ដាំផ្ញើទៅយុវជននិងសហគ្រិនចូលរួមជួយសង្គមហើយកុំថាតើសង្គមបានជួយអ្វីខ្លះដល់យើងខ្ញុំ? ប៉ុន្តែត្រូវសួរត្រឡប់ទៅវិញហើយ តើខ្ញុំបានជួយអ្វីខ្លះទៅសង្គម? ។
លើកពីនេះលោកថា«ពិភពលោកនេះយុត្តិធម៌ណាស់ ប្រសិនបើអ្នកខ្សោយអ្នកកុំសង្ឃឹមថានឹងទទួលបានការជួយជ្រុំជ្រែងនិងលើកកម្លាំងចិត្តពីមនុស្សនៅជុំវិញខ្លួនមានតែយើងខ្លាំងប៉ុណ្ណោះទើបគេព្រមជួយយើង!សាលារៀនផ្ដល់ឱ្យអ្នកនូវមុខវិជ្ជានិងជំនាញសម្រាប់គាំទ្រដំណើរការអាជីវកម្ម» ។
លោកអះអាងទៀតថា ការរៀនក្នុងជីវិតពិតទើបដល់ ហើយអ្នកក្នុងការអភិវឌ្ឍន៍ជំនួញនិងការអភិវឌ្ឍនូវទ្រព្យសម្បត្តិសញ្ញាបត្រគឺជាសាក្ខីភាពក្នុងការបញ្ជាក់ថា អ្នកគឺជាមនុស្សដែលមានការទទួលស្គាល់នៅក្នុងរបត់នៃការអប់រំលទ្ធផលគឺជាការបញ្ជាក់នូវសកម្មភាពនិងភាពឆ្លាតវៃរបស់អ្នក។
អ្នកជំនួញខាងលើចាត់ទុកថា «សញ្ញាបត្រនិងការទទួលស្គាល់នឹងមកតាមក្រោយនៅពេលដែលអ្នកជួយដល់សង្គមដោយគ្មានលក្ខខណ្ឌ ហើយខ្ញុំសង្ឃឹមថា នឹងខំប្រឹងប្រែងបន្តទៀតដើម្បីចូលរួមចំណែកសង្គមជាតិដែលសញ្ញាបត្រនេះគឺជាកម្លាំងចិត្តមួយយ៉ាងធំដល់រូបខ្ញុំមិននឹកស្មានដល់ទាល់តែសោះ»។
លោកបានផ្តាំទៅយុវជនជំនាន់ក្រោយថា យើងចង់ទទួលបានជោគជ័យបានគឺកើតចេញពីការខិតខំតស៊ូគ្រប់បែបយ៉ាងទម្រាំឆ្លងផុតភាពលំបាកក្រខ្សត់នៃជីវិត ហើយបើគ្មានការតស៊ូជំនះគ្រប់ឧបសគ្គទេ យើងមិនអាចសម្រេចគោលដៅធំនិងបំណងរបស់ខ្លួនបានឡើយដូច្នោះយើងមិនអាច អង្គុយឈឺចាប់នូវអ្វីៗដែលយើងកំពុងកើតឡើងនៅក្នុងជីវិតយើងនោះទេ ។
បច្ចុប្បន្ននេះ ឧកញ៉ា ភារម្យ វិចិត្រដារ៉ា គឺជាអគ្គនាយកក្រុមហ៊ុន Vichet Dara Interprise Co..Ltd លោកក្លាយជាអ្នកបង្វឹកសហគ្រិនខ្មែរដ៏មានប្រជាប្រិយទាំងក្នុង និងក្រៅប្រទេសហើយជាពិសេស បានហ្វឹកហាត់ដល់ពលករនៅកូរ៉េ ជប៉ុន ចិន ពីការសន្សំលុយ ដើម្បីវិនិយោគបន្តលើវិស័យអចលនទ្រព្យ។
ក្រៅពីនេះលោកបានទាក់ទាញអ្នកវិនិយោគធំៗពីបណ្តាលប្រទេសជប៉ុន កូរ៉េ និងមហាមិត្តចិនមកប្រទេសកម្ពុជា ដើម្បីអភិវឌ្ឍន៍លើវិស័យអចលនទ្រព្យកម្ពុជាផងដែរ។