មន្ត្រីជាន់ខ្ពស់រាជរដ្ឋាភិបាលកម្ពុជាបានចុះហត្ថលេខាលើអនុស្សរណៈ និងកិច្ចព្រមព្រៀងចំនួន៥ជាមួយនឹងរដ្ឋាភិបាលកូរ៉េខាងត្បូង ដើម្បីពង្រឹងកិច្ចសហប្រតិបត្តិការនិងពាណិជ្ជកម្មដែលធ្វើឡើងនៅថ្ងៃទី២៥ ខែវិច្ឆិកានេះ។
កិច្ចព្រមព្រៀងនិងពិធិសារចំនួនផ្សេងគ្នាជាមួយនឹងរដ្ឋាភិបាលកូរ៉េខាងត្បូងក្នុងអំឡុងនៃកិច្ចប្រជុំកំពូលអាស៊ាននិងកូរ៉េខាងត្បូងដែលធ្វើឡើងនៅទីក្រុងប៊ូសាន។ ឯកសារទាំងនោះរួមមានកិច្ចព្រមព្រៀងស្ដីពីការលុបបំបាត់ការយកពន្ធត្រួតគ្នាពាក់ព័ន្ធទៅនឹងប្រាក់ចំណូលនិងការបង្ការការគេចពន្ធនិងការចៀសវាងពន្ធដើរចុះលេខាដោយលោក ប្រាក់ សុខុន រដ្ឋមន្ត្រីក្រសួងការបរទេស។
ឯកសារទី២ គឺសន្ធិសញ្ញាស្តីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌនិងឯកសារ ទី៣ គឺអនុស្សរណៈនៃការយល់គ្នាស្ដីពីកិច្ចសហប្រតិបត្តិការក្នុងវិស័យកសិកម្មចុះលេខាដោយ លោក វេង សាខុន រដ្ឋមន្ត្រីក្រសួងកសិកម្ម និងនេសាទ។
តម្លៃឯកសារទី៤ គឺជាអនុស្សារណៈនៃការយល់គ្នាស្ដីពីកិច្ចសហប្រតិបត្តិការលើវិស័យបច្ចេកវិជ្ជាគមនាគមន៍និងព័ត៌មានដែលចុះលេខា ដោយលោក ត្រាំ អ៊ីវតឹក ហើយអនុស្សារណៈនេះនឹងត្រូវចុះហត្ថលេខានៅក្រៅកិច្ចប្រជុំកំពូលទ្វេភាគី។
លោក ប្រាក់ សុខុន តំណាងឱ្យសម្ដេចតេជោនាយករដ្ឋមន្ត្រីក្នុងការចុះហត្ថលេខានោះ នៅមានសេចក្តីថ្លែងការណ៍រួមមួយទៀត ដែលនិយាយពីការចាប់ផ្ដើមសិក្សារួមគ្នាលើលទ្ធភាពបង្កើតកិច្ចព្រមព្រៀងពាណិជ្ជកម្មសេរីកម្ពុជាកូរ៉េដែលចុះលេខាដោយ លោក ប៉ាន់ សូរស័ក្ក រដ្ឋមន្ត្រីក្រសួងពាណិជ្ជកម្ម។
ទំហំពាណិជ្ជកម្មកម្ពុជានិងកូរ៉េខាងត្បូងនៅឆ្នាំ ២០១៩នេះមានទឹកប្រាក់ប្រមាណជាង១ពាន់លានដុល្លារ ហើយជញ្ជីងពាណិជ្ជកម្មផ្អៀងខ្លាំងទៅកាន់កូរ៉េខាងត្បូងទៅបាននាំចូល៧០% មកទីផ្សារកម្ពុជា ហើយនៅក្នុងនោះកូរ៉េនាំចូលនូវគ្រឿងយន្តនិងកែសម្ផស្សរួមទាំងគ្រឿងបរិក្ខាមួយចំនួនទៀត។
ដោយឡែកកម្ពុជានាំចេញផលិតផលកសិកម្មវាយនភ័ណ្ឌនិងផលិតផលមួយចំនួនទៀតចូលទីផ្សារកូរ៉េ។ដោយឡែកការបោះទុនវិនិយោគពីប្រទេសកូរ៉េខាងត្បូងគិតត្រឹមឆ្នាំ២០១៩នេះគឺមានប្រមាណជាង៤.៥៦ពាន់លានដុល្លារខណៈដែលវិស័យកសិកម្ម វាយនភណ្ឌនិងអចលនទ្រព្យគឺជាវិស័យអតិភាព។