ភ្នំពេញ៖ ក្រុមហ៊ុនបញ្ញាវ័ន្ត ឌីវេឡុបម៉ិន ឯ.ក នឹងបើកសម្ភោធគម្រោងសាងសង់ ផ្ទះគំរូ មានម៉ូដែលទំនើបតាម ស្តង់ដារ បច្ចេកទេសតាមសម័យកាលបច្ចុប្បន្ននេះ នៅក្រុងបាវិត ខេត្តស្វាយរៀង នាពេលថ្មីៗខាងមុខនេះ ។
លោកភិន សុផល នាយកប្រតិបត្តិ សហភាគីជាមួយក្រុមហ៊ុន បញ្ញាវ័ន្ត ឌីវេឡុបម៉ិន ឯ.ក មានប្រសាសន៍ ឲ្យដឹងថា ដោយមើលឃើញពីសក្តានុពល នៃការីកចម្រើន នៅក្រុងបាវិត ពោពេញទៅដោយរោងចក្រ សំណង់ផ្ទះល្វែង ការស៊ីណូ និងផ្សារទំនើបជាច្រើនទៀត ។
លោកសុផល យល់ថា បាវិតជាតំបន់សេដ្ឋកិច្ច ច្រកព្រំដែនអន្តរជាតិ មួយយ៉ាងសំខាន់ ជាប់ជាមួយនិង ប្រទេសវៀតណាម ហើយជាកន្លែងមួយប្រមូលផ្តុំទៅដោយពាណិជ្ជកម្ម ជាច្រើន ។ ហើយជាឱកាសវិនិ យោគ វិស័យអចលនទ្រព្យ ពិសេសវិស័យសំណង់ ដោយតម្រូវការមានច្រើន ។ ទោះបីវិស័យសំណង់ នៅទីនោះមានច្រើនយ៉ាង ណាក៏ដោយ ។
លោកបន្ថែមទៀតថា វិស័យសំណង់នៅទីក្រុងបាវិត មានតម្លៃថោកសមរម្យ ហើយក្រុមហ៊ុនបញ្ញាវ័ន្ត ឌីវេឡុបម៉ិន ឯ.ក នឹងបើកសម្ភោធគម្រោងសាងសង់ផ្ទះគំរូ គឺជាគំរូមួយសម្រាប់ ឲ្យអតិថិជនគាត់ មើល ឃើញថា ក្រុមហ៊ុនរបស់យើងនឹងសាងសង់អ្វីដែលពិតប្រាកដ ជាផ្ទះទាន់សម័យ មានម៉ូដែល ទំនើប តាមស្តង់ដារ ។
តាមការបញ្ជាក់ពីលោកភិន សុផល ឲ្យដឹងថា ការបើកសម្ភោធគម្រោងសាងសង់ ផ្ទះគំរូ នេះ នៅថ្ងៃ ទី២៩ ខែធ្នូ ឆ្នាំ២០១៩នេះ ។ ដែលមានទីតាំង ស្ថិតនៅភូមិបាវិត លើ សង្កាត់បាវិត ក្រុងបាវិត ខេត្ត ស្វាយរៀង ៕
