រុស្ស៊ីចុះកិច្ចព្រមព្រៀងលក់អាវុធបណ្តាប្រទេសនៅតំបន់មជ្ឈិមបូព៌ាក្នុងតម្លៃទឹកប្រាក់៨ពាន់លានដុល្លារអាមេរិកនៅដើមឆ្នាំ២០១៩នេះ

 

លោក Aleksandr Mikheev អគ្គនាយកអ្នកនាំចេញគ្រឿងសព្វាវុធរដ្ឋរបស់ប្រទេសរុស្ស៊ី CEO of Russia’s state arms exporter បានឲ្យដឹងថា បណ្តាប្រទេសនៅតំបន់មជ្ឈិមបូព៌ា មានប្រទេស បារ៉ែន អេហ្ស៊ីប ម៉ារ៉ុក អារ៉ាប៊ី សាអូឌីត អារ៉ាប់រួម និងប្រទេសទុយនីស៊ី បានចុះកិច្ចព្រមព្រៀងទិញអាវុធពីរុស្ស៊ី ដែលតម្លៃទឹកប្រាក់រហូតដល់៨ពាន់លានដុល្លារអាមេរិក ។

លោក Aleksandr Mikheev បានបន្ថែមថា គ្រឿងសព្វាវុធដែលរុស្ស៊ីលក់ឲ្យបណ្តាប្រទេសនៅមជ្ឈិមបូព៌ានោះគឺ មីស៊ីល S-400 មីស៊ីល S-300 យន្តហោះចម្បាំង Beriyev Be-200 ឧទ្ធម្ភាគចក្រពិឃាត Ka-52 Alligator យន្តហោះចម្បាំង MiG multipurpose fighter jet មីស៊ីលបាញ់ពីដីទៅលើអាកាស Pantsir-S1 និងយន្តហោះចម្បាំង Su-35 plane ៕