ទួរគីក្រើនរំលឹកអាមេរិកឲ្យប្រយ័ត្នប្រយែងក្នុងការសម្រេចចិត្ត មុននឹងដកកងទ័ពរបស់ខ្លួនចេញពីប្រទេសស៊ីរី

ប្រព័ន្ធផ្សព្វផ្សាយ Aljazeera របស់ប្រទេសកាតា បានឲ្យដឹងថា ប្រធានាធិបតីរបស់ប្រទេសទួរគី​ លោក រ៉េសិប តៃយីប អឺដូហ្កាន (Recep Tayyip Erdogan) បានក្រើនរំលឹកប្រធានាធិបតីសហរដ្ឋអាមេរិក លោក ដូណាល់ ត្រាំ ក្នុងការរកដៃគូឲ្យបានល្អ មុននឹងសម្រេចដកកងទ័ពរបស់ខ្លួនចេញពីប្រទេសស៊ីរី ។

ការក្រើនរំលឹករបស់លោក អឺដូហ្កាន ត្រូវបានធ្វើឡើងក្រោយពីទីប្រឹក្សាសន្តិសុខជាតិអាមេរិក លោក ចន បុលតុន (John Bolton) បានព្រមានថា ភាគីណាក៏មិនអាចប៉ះពាល់ក្រុមកុលសម្ព័ន្ធ ខឺត (Kurd) បានដែរ ក្រោយពីអាមេរិកដកកងទ័ពចេញពីប្រទេសស៊ីរី ។

សូមបញ្ជាក់ថា អាមេរិកបានបំពាក់អាវុធដល់ក្រុមកុលសម្ព័ន្ធ ខឺត នៅប្រទេសស៊ីរី ដើម្បីវាយប្រហារលើក្រុមសកម្មប្រយុទ្ធរដ្ឋអ៊ីស្លាម ISIS ប៉ុន្តែទួរគីបារម្ភខ្លាចក្រុមនេះ វាយប្រហារផ្តាច់ទឹកដីពីទួរគី ខណៈខ្លួនមានកម្លាំង និងអាវុធគ្រប់គ្រាន់ពីអាមេរិក ៕