(ភ្នំពេញ)៖ សម្តេចអគ្គមហាសនាបតីតេជោ ហ៊ុន សែន បានប្រការផ្តល់មេធាវីជួយការពារអ្នកសារព័ត៌មាន នៅពេលជួបបញ្ហាប្តឹងផ្តល់ពាក់ព័ន្ធនឹងសកម្មភាពប្រកបវិជ្ជាជីវៈរបស់ខ្លួន។
សម្តេចតេជោបានប្រកាសជាសាធារណៈបែបបនេះ ក្នុងសុន្ទរកថាថ្លែងពិធីជួបជុំអ្នកសារព័ត៌មានជិត៦០០០នាក់ នៅល្ងាចថ្ងៃទី១៤ ខែមករា ឆ្នាំ២០២០ នាសាលសន្នសីទកោះពេជ្រ ក្នុងរាជាធានីភ្នំពេញ។
សម្តេចតេជោនាយករដ្ឋមន្ត្រី បានបញ្ជាក់ថា ក្រុមមេធានីស្ម័គ្ររបស់សម្តេចតេជោ ហ៊ុន សែន ដែលដ២កនាំដោយលោក គី តិច អតីតប្រធានគណៈមេធាវីកម្ពុជា គឺជាអ្ដឹនកកនាំការងារនេះ ដើម្បីជួលើកតម្លើងសេរីភាពសារព័ត៌មាននៅក្នុងប្រទេសកម្ពុជា។
ស្របពេលនៃការសម្រេចផ្តល់មេធាវីការពារនេះ សម្តេចតេជោ ក៏មិនភ្លេចណែនាំ «កុំបំពានសិទ្ធិអ្នកដទៃ កុំនិយាយបំភ្លៃការពិត» ដែលតម្លៃពិតនៃវិជ្ជាជីវៈសារព័ត៌មាន សម្រាប់ជួយការពារផលប្រយោជន៍ជាតិ និងសន្តិភាពរបស់កម្ពុជា។
សូមរំឭកថា កាលពីឆ្នាំ២០១៧ សម្តេចតេជោ ហ៊ុនសែន បានជួបជាមួយអ្នកសារព័ត៌មានជាង១០០០នាក់ ជាជំនួបលើកដំបូង កាលពីថ្ងៃទី១៤ ខែមករា ឆ្នាំ២០១៧ នៅសណ្ឋាគារ សុខា ភ្នំពេញ នៅជ្រោយចង្វារ។ លើកទី២ នៅថ្ងៃទី២១ មករា ឆ្នាំ២០១៨ នៅកោះពេជ្រ និងលើកទី៣ នៅថ្ងៃទី១១ មករា ឆ្នាំ២០១៩ នៅកោះពេជ្រ។
ជំនួបរវាងសម្តេចតេជោនាយករដ្ឋមន្ត្រី និងអ្នកសារព័ត៌មាន ៣លើកកន្លងមក ត្រូវបានចាត់ទុកថា ជាថ្ងៃប្រវត្តិសាស្ត្រមួយ នៅក្នុងវិស័យសារព័ត៌មានកម្ពុជា ដែលជាឱកាសឲ្យអ្នកសារព័ត៌មានក្នុងស្រុក បានជួបជុំជាមួយអ្នកសារព័ត៌មានដូចគ្នា មកពីបណ្តាខេត្ត និងក្នុងរាជធានីភ្នំពេញ បានជជែកពិភាក្សាគ្នា និងចែករំលែកបទពិសោធន៍ឲ្យគ្នាទៅវិញទៅមក។
ការអញ្ជើញផ្តល់កិត្តិយសពីសម្តេចតេជោនាយករដ្ឋមន្ត្រី ហ៊ុន សែន នៅក្នុងជំនួបជាមួយអ្នកកាសែត គឺបានបញ្ជាក់យ៉ាងច្បាស់អំពីការយកចិត្តទុកដាក់ដ៏ខ្ពង់ខ្ពស់របស់ប្រមុខរាជរដ្ឋាភិបាល ចំពោះអ្នកសារព័ត៌មាន ដើម្បីបង្កើនទំនាក់ទំនងល្អ ក្នុងការជួយជំរុញការអភិវឌ្ឍប្រទេសជាតិ អោយកាន់តែរីកចម្រើន៕
