ភ្នំពេញ៖ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា ក្នុង ១ឆ្នាំៗ ក្រសួងសាធារណការ និងដឹកជញ្ជូន ចំណាយថវិកាជាតិប្រមាណ ២០០ លានដុល្លារ លើការងារជួសជុលផ្លូវ។
លោកទេសរដ្ឋមន្ត្រី ស៊ុន ចាន់ថុល បានថ្លែងបែបនេះក្នុងសន្និសីទកាសែត រៀបចំដោយអង្គភាពអ្នកនាំពាក្យរាជរដ្ឋាភិបាល នាព្រឹកថ្ងៃទី២១ ខែកុម្ភៈ ឆ្នាំ២០២០ នៅទីស្តីការគណៈរដ្ឋមន្ត្រី ។
លោកបញ្ជាក់ថា បើសិនជាយើងកាត់បន្ថយបាននូវការដឹកជញ្ជូនលើសទំងន់ មិនបណ្តាលឲ្យខូចផ្លូវ នោះយើង នឹងអាចសល់ថវិកាប្រមាណ ២០០លានដុល្លារ ក្នុង ១ឆ្នាំៗ ដើម្បីយកទៅសាងសង់សាលារៀន និងយកទៅធ្វើផ្លូវបានច្រើនទៀត៕
