(ភ្នំពេញ)៖ ស្ថាបនិកឆ្នើមលោក អោម សេងបូរ៉ា ស្ថាបនិក CEO Master Club បានបង្វឹកសហគ្រិនកម្ពុជាដើម្បីពង្រឹងសមត្ថភាពជាអ្នកដឹកនាំ និងបង្កើតសេចក្ដីសុខក្នុងជីវិតឱ្យកាន់តែច្រើនឡើងទ្វេដង ក្នុងវគ្គ “ភាពជាអ្នកដឹកនាំឆ្ពោះទៅរកភាពជោគជ័យដល់កម្រិតកំពូល” ដោយមានអ្នកចូលរួមប្រមាណជា 85នាក់ ក្នុងរយៈពេល០២ថ្ងៃ ចាប់ពីថ្ងៃទី០៨- 0៩ មីនា ឆ្នាំ២០២០ ធ្វើនៅ Dyvith Hotel នៃរាជធានីភ្នំពេញ។
នៅក្នុងកម្មវិធីបង្វឹកនេះផងដែរ គ្រូបង្វឹករូបនេះ បានបង្ហាញនូវក្បួនជោគជ័យដើម្បីឆ្ពោះទៅរកសេចក្ដីសុខពិតប្រាកដក្នុងជីវិត និងភាពស្ទាត់ជំនាញដល់សហគ្រិនដែលបានចូលរួមឲ្យយល់ច្បាស់អំពី ការលុបបំបាត់សេចក្ដីទុក្ខទាំង៨របស់មនុស្ស ឬសគល់បញ្ហាធំៗទាំង១៥ចំណុច ដែលរារាំងក្នុងការដឹកនាំជីវិត និងក្បួនជាច្រើនទៀតដើម្បីប្រែខ្លួនឱ្យក្លាយជាអ្នកដឹកនាំដោយមានភាពជាអ្នកដឹកនាំខ្លាំងពិតប្រាដក។
គិតមកត្រឹមខែមីនា ឆ្នាំ២០២០នេះ CEO Master Club មានវត្តមានក្នុងវិស័យបណ្ដុះបណ្ដាលជាង១0ឆ្នាំមកហើយ ដែលបានជួយសហគ្រិនរាប់ម៉ឺននាក់ និងមានសមាជិកម្ចាស់អាជីវកម្មពេញមួយជីវិត ចំនួនជា ១,១៨០នាក់ ដែលគ្រប់គ្រងអាជីវកម្មប្រមាណជាង ២,០០០ក្រុមហ៊ុន ដែលបង្កើតប្រតិបត្តិការអាជីវកម្មជាទឹកប្រាក់ប្រមាណជាង ១,០០០លានដុល្លារ/ឆ្នាំ និងបានជួយបង្កើតការងារជូនប្រជាពលរដ្ឋបានប្រមាណ ១០ម៉ឺននាក់។
នៅថ្ងៃទី២១-២២ មីនា ឆ្នាំ២០២០ ខាងមុខនេះ CEO Master Club នឹងមានវគ្គ “វិធីសាស្រ្តកេរ្តិ៍ឈ្មោះអាជីវកម្មឱ្យល្បី និងបង្កើនការលក់ឱ្យដល់កម្រិតកំពូលសម្រាប់សតវត្សទី២១” ធ្វើនៅ Dyvith Hotel សម្រាប់សាធារណៈជនទូទៅ និងសមាជិកគ្រួសារ CEO Master Club។
ព័ត៌មានលម្អិត៖ 023 666 6555/023 666 6999
អត្ថបទ៖ សាន់ ថាវិន
