លោក ហៃ ស៊ីណា (វឌ្ឍនា) អគ្គនាយកសារព័ត៌មាន ដេលីខ្មែរ ត្រូវបានតែងតាំងជាទីប្រឹក្សាសមាគមអ្នកសារព័ត៌មានជាតិកម្ពុជា ដើម្បីសេរីភាព ជាផ្លូវការហើយ កាលពីថ្ងៃទី៧ ខែមករាឆ្នាំ២០២១នេះ ដែលពិធីប្រគល់លិខិតតែងតាំងនេះ ធ្វើ់ឡើងនៅទីស្នាក់ការសមាគមនៅសង្កាត់ទឹកថ្លាខណ្ឌសែនសុខ រាជធានីភ្នំពេញ។
លោកបណ្ឌិត ថាន វុត្ថា ប្រធានសមាគមអ្នកសារព័ត៌មានជាតិកម្ពុជា ដើម្បីសេរីភាព បានបញ្ជាក់ថា ដោយយោងលើតម្រូវការរបស់សមាគម និងសមត្ថភាពរបស់ លោកអគ្គនាយកសារព័ត៌មាន ដេលីខ្មែរ គឺលោក ពិតជាមានទឹកចិត្ត ក្នុងការជួយពង្រឹងសមត្ថភាពនិងវិជ្ជាជីវៈរបស់អ្នកសារព័ត៌មាននៅសមាគមយើងខ្ញុំ ។ ដូច្នោះ លោកសម្រេចតែងតាំង ហៃ ស៊ីណា ដើម្បីឲ្យលោកមានលទ្ធភាពជួយពង្រឹងក្រមសីលធម៌ និងចំណេះដឹងវិជ្ជាជីវៈ អ្នកដល់ព័ត៌មានយើង នៅក្នុងសមាគមតែម្តង ពោល លោកនឹងចូលរួមជួយបណ្តុះបណ្តាលដល់អ្នកកាសែតយើងតែម្តង។
សម្រាប់ លោក ហៃ ស៊ីណា (វឌ្ឍនា) បានថ្លែងថា លោកពិតជាសប្បាយរីករាយ ដែលលោកបណ្ឌិត ថាន វុត្ថា ផ្តល់តួនាទីនេះជូនលោក ហើយកិច្ចការងារសំខាន់គឺ រួមគ្នាអភិវឌ្ឍន៍និងពង្រឹងវិជ្ជាជីវៈអ្នកសារព័ត៌មានយើងឡើងវិញ ដើម្បីចូលរួមចំណែកក្នុងការអភិវឌ្ឍន៍សង្គមជាតិនិងរាជរដ្ឋាភិបាល
លើសពីនេះ លោកបន្ថែមថា«គោលដៅយើងក្នុងនាមអ្នកសារព័ត៌មាន កុំយកអាជីពមួយនេះ ប្រើប្រាស់ ខុសវិជ្ជាជីវៈរបស់ខ្លួន ឬបំពានសិទ្ធិបុគ្គលជាដ់ើម ដូចពាក្យស្លោកសម្តេចតេជោ «អ្នកសារព័ត៌មានកុំបំពានសិទ្ធិអ្នកដទៃ កុំបំភ្លៃការពិត»។
