អគ្គនាយកដ្ឋានការពារអ្នកប្រេីប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» បានរៀបចំវគ្គវណ្តុះបណ្ដាលជូនដល់មន្ត្រីជំនាញដែលកំពុងអនុវត្តភារកិច្ចនៅតាមបណ្ដាសាខា ក.ប.ប. រាជធានី ខេត្ត ក្រោមអធិបតីភាព លោក ឃួន សាវុធ អគ្គនាយករង តំណាងដ៏ខ្ពង់ខ្ពស់ លោក ផាន អូន ប្រតិភូរាជរដ្ឋាភិបាលទទួលបន្ទុកជាអគ្គនាយក ក.ប.ប. នៅព្រឹកថ្ងៃទី៨ ខែកញ្ញា ឆ្នាំ២០២១នេះ ក្នុងគោលបំណងដេីម្បីពង្រឹងសមត្ថភាពអនុវត្តច្បាប់ឱ្យកាន់តែមានប្រសិទ្ធភាព។
វគ្គបណ្ដុះបណ្ដាលខាងលេី ត្រូវធ្វេីឡេីងក្រោមប្រធានបទដូចខាងក្រោម៖
១- ប្រកាសស្ដីពីបែបបទ និងនីតិវិធីនៃការត្រួតពិនិត្យនិងស៊េីបអង្កេតក្រោមច្បាប់ស្ដីពីកិច្ចការពារអ្នកប្រេីប្រាស់
២- ប្រកាសស្ដីពី នីតិវិធីនៃការដោះស្រាយតាមរយៈការចរចាចំពោះបទល្មេីសក្រោមច្បាប់ស្ដីពីកិច្ចការពារអ្នកប្រេីប្រាស់
៣- ប្រកាសស្ដីពីបទដ្ឋានព័ត៌មានសម្រាប់អ្នកប្រេីប្រាស់
៤- នីតិវិធីប្រតិបត្តិស្ដង់ដាសម្រាប់ការទទួលនិងដោះស្រាយពាក្យបណ្ដឹង
គួររំលឹកផងដែរថាប្រកាសទាំង ៣ ខាងលេីត្រូវបានក្រសួងពាណិជ្ជកម្មសម្រេចដាក់ឱ្យអនុវត្តជាធរមានកាលពីថ្ងៃទី៣១ ខែសីហា ឆ្នាំ២០២១៕
