រដ្ឋលេខាធិការក្រសួងព័ត៌មាន សាម៉ន បណ្ឌិត្យ និងជាអនុប្រធានក្រុមការងារបង្ការ និងទប់ស្កាត់ អំពើជួញដូរមនុស្សប្រចាំក្រសួងព័ត៌មាន បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារបស់ក្រុមការងារ និងលើកទិសដៅអនុវត្តបន្ត តាមរយៈប្រព័ន្ធវីដេអូ (Zoom Meeting) នាព្រឹកថ្ងៃទី០៩ ខែកញ្ញា ឆ្នាំ២០២១ នៅទីស្តីការក្រសួងព័ត៌មាន។
លោករដ្ឋលេខាធិការ សាម៉ន បណ្ឌិត្យ បានមានប្រសាសន៍បញ្ជាក់ថា« កិច្ចប្រជុំនេះគឺផ្តោតសំខាន់លើការងារមួយចំនួនដែលបានអនុវត្តកន្លងទៅលើការបង្ការ និងទប់ស្កាត់ អំពើជួញដូរមនុស្ស ហើយយើងធ្វើការយ៉ាងត្រូវខិតខំបង្កើនការយកចិត្តទុកដាក់អនុវត្តឲ្យបានខ្លាំងក្លា ហើយត្រូវពិនិត្យមើលការអនុវត្តជាជំហ៊ានៗ ដើម្បីឲ្យការងារយើងកំពុងតែធ្វើនេះទទួលបានលទ្ធផលដូចដែលយើងបានគ្រោងទុក»។
លើសពីនេះ លោករដ្ឋលេខាធិការបន្ថែមថា ការទាំងអស់នេះមិនជារឿងសាមញ្ញទេ តែបើយើងប្រឹងប្រែងអនុវត្តប្រកបដោយការយកចិត្តទុកដាក់និងការទទួលខុសត្រូវខ្ពស់នោះ អ្វីៗនឹងសម្រេចបានជាផ្លែផ្កាសម្រាប់យើងទាំងអស់គ្នា ក៏ដូចជាថ្នាក់ដឹកនាំយើង ពិសេស ឯកឧត្តម រដ្ឋមន្រ្តីក្រសួងព័ត៌មានតែម្តង។
រូបថត ៖ ក្រុមការងារក្រសួងព័ត៌មាន