លោក Narendra Modi នាយករដ្ឋមន្ត្រីរបស់ប្រទេសឥណ្ឌា បានប្រកាសថា រហូតដល់ឆ្នាំ២០១៩នេះ ប្រទេស៤នៅលើពិភពលោកដែលមានមីស៊ីលប្រឆាំងផ្កាយរណប ហើយឥណ្ឌាគឺជាប្រទេសទី៤នៅលើពិភពលោក ដែលបានផលិតមីស៊ីលប្រឆាំងផ្កាយរណប បន្ទាប់ពីអាមេរិក រុស្ស៊ី និងប្រទេសចិន ។
សេចក្តីប្រកាសរបស់លោក Narendra Modi ត្រូវបានធ្វើឡើងក្រោយពីកងទ័ពអាកាសរបស់ប្រទេសឥណ្ឌាបានបាញ់សាកល្បងមីស៊ីលប្រឆាំងផ្កាយរណបបានដោយបានដោយជោគជ័យ កាលពីថ្ងៃពុធ ទី២៧ ខែមីនានេះ ដោយគ្រាប់មីស៊ីលឥណ្ឌា បានហោះទៅកំទេចផ្កាយរណបឥណ្ឌានៅក្នុងគន្លងតារាវិថី ។
មុនពេលបាញ់សាកល្បងមីស៊ីលនេះ ក្រុមជំនាញខាងអវកាសឥណ្ឌា បានបាញ់បង្ហោះផ្កាយរណបមួយគ្រឿងទៅដាក់ក្នុងគន្លងសុញ្ញាកាសក្នុងកម្រិតទាប ក្នុងចម្ងាយប្រមាណជាង៣០០គីឡូម៉ែត្រពីភពផែនដី និងបាញ់មីស៊ីលប្រឆាំងផ្កាយរណបទៅកម្ទេចផ្កាយរណបនោះចោលក្នុងទីអវកាស ដោយជោគជ័យ ៕
