ភ្នំពេញ៖ យោងតាមសេចក្តីជូណដំណឹងរបស់ រដ្ឋមន្រ្តីក្រសួងកសិកម្មរុក្ខាប្រមាញ់និងនេសាទ លោក វេង សាខុន នៅថ្ងៃទីថ្ងៃទី២៥ខែមីនានេះបានគួរបញ្ចាក់ថា លោករួមសហការី ស្ថាប័នជំនាញពាក់ព័ន្ធដទៃទៀត នឹងចាត់វិធានការយ៉ាងម៉ឺងម៉ាត់ ក្នុងការបង្រ្កាបបទល្មើសជលផលឲ្យមានប្រសិទ្ធភាពនៅជុំវិញបឹងទន្លេសាបនៃព្រះរាជាណាចក្រម្ពុជា។
ការប្រកាសនេះធ្វើឡើង បន្ទាប់ពីកាលពីថ្ងៃទី២៣ ខែមីនានេះ ដោយទទួលបានបទបញ្ជាដ៏ខ្ពង់ខ្ពស់របស៎សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ក្នុងឱកាសដែលសម្តេចអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបការងារកសិកម្ម រុក្ខាប្រមាញ់ និងនេសាទ។
សម្តេចតេជោ ហ៊ុន សែន បានបញ្ជាឲ្យក្រសួងកសិកម្ម រុក្ខាប្រមាញ់ និងនេសាទ សហការជាមួយកងកំលាំងប្រដាប់អាវុធ ក្រសួង-ស្ថាប័នពាក់ព័ន្ធ និងអាជ្ញាធរខេត្តដែលនៅជាប់បឹងទន្លសាប (កំពង់ឆ្នាំង ពោធិ៍សាត់ បាត់ដំបង បន្ទាយ មានជ័យ សៀមរាប និងកំពង់ធំ) ដើម្បីចាត់វិធានការជាបន្ទាន់ធ្វើការទប់ស្កាត់ និងបង្គ្រាបបទល្មើសនេសាទលើផ្ទៃបឹងទន្លេសាប។
នៅព្រឹកថ្ងៃព្រហស្បតិ៍ទី២៤ ខែមីនា ឆ្នាំ២០២២នេះ លេខាធិការដ្ឋានគណៈកម្មធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ គ.ជ.អ.ប នៃក្រសួងមហាផ្ទៃ លោក ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដោយលោក ពុំ សុថា ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋបាលជលផល និងមន្ត្រីជំនាញបានចូលរួមក្នុងកិច្ចប្រជុំលើកទី៤។
លើសពីនេះមានការចូលរួមពី លោក ង៉ាន់ ចំរើន រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប និងមន្រ្ដីជំនាញនៃលេខាធិការដ្ឋាន គ.ជ.អ.ប ពាក់ព័ន្ធនឹងសេចក្ដីព្រាងច្បាប់ស្ដីពីជលផល។
សូមជម្រាបជូនថា លទ្ធផលដែលទទួលបានពីកិច្ចប្រជុំនាព្រឹកនេះមានជាអាទិ៍៖
ទី១. អង្គប្រជុំបានឯកភាពលើជំពូកទី១ បទប្បញ្ញតិ្តទូទៅ ជំពូកទី២ ស្ថាប័នទទួលខុសត្រូវ និងជំពូកទី៣ ដែននេសាទ នៃសេចក្ដីព្រាងច្បាប់ស្ដីពីជលផល។
ទី២. ចំពោះជំពូកផ្សេងៗទៀត អង្គប្រជុំក៏បានឯកភាពជារួមនូវខ្លឹមសារនៃសេចក្ដីព្រាងច្បាប់ស្ដីពីជលផលនេះ ប៉ុន្ដែត្រូវធ្វើការកែសម្រួលនូវវាក្យស័ព្ទមួយចំនួនឱ្យស្របទៅតាមទម្រង់នៃច្បាប់។
ទី៣. ក្រុមការងារបច្ចេកទេសនឹងបញ្ចប់សេចក្ដីព្រាងច្បាប់ស្ដីពីជលផលនេះ ឱ្យបានរួចរាល់មុនថ្ងៃទី២៩ ខែមីនា ឆ្នាំ២០២២ ខាងមុខនេះ។
សូមបញ្ជាក់ជូនថា៖ ការរៀបចំសេចក្តីព្រាងធ្វើវិសោធកម្មច្បាប់ស្តីពីជលផល, ច្បាប់ស្តីពីព្រៃឈើ និងច្បាប់ស្តីពីតំបន់ការពារធនធានធម្មជាតិ គឹយោងតាមសេចក្តីជូនដំណឹងស្តីពីលទ្ធផលនៃសម័យប្រជុំពេញអង្គគណៈរដ្ឋមន្រ្តីនៅថ្ងៃទី០៦ខែវិឆ្ឆិកា ឆ្នាំ២០១៥ តាមលិខិត លេខ ១៣០៣ សជណ សរ ។
