ភ្នំពេញ:រដ្ឋមន្រ្តីការបរទេសអ៊ុយក្រែន លោក Dmytro Kuleba បាននិយាយថា អ៊ុយក្រែនមិនខ្លាចរុស្ស៊ីនោះទេ ហើយពួកគេនឹងឈ្នះសង្រ្គាម ដោយសារតែពួកគេគ្មានជម្រើសផ្សេង ។
លោក Kuleba និយាយថា លោកមិនរំពឹងថា ការចរចាជាមួយរុស្ស៊ី នឹងទទួលបានជោគជ័យនៅពេលណាមួយឆាប់ៗនោះទេ ។
លោកបន្តថា បើសិនជាអ្នកចង់ជជែកគ្នាពីរឿងសង្រ្គាម អ្នកនឹងមិនវាយប្រហារមកលើហេដ្ឋារចនាសម្ព័ន្ធទីក្រុងអ៊ុយក្រែននៅទូទាំងប្រទេសដោយប្រើមីស៊ីលតម្រង់គោលដៅនោះទេ ។
លោក Kuleba និយាយទៀតថា សម្ព័ន្ធមិត្តអង្គការណាតូ បានគាំទ្រអ៊ុយក្រែនយ៉ាងសកម្មជាងប្រទេសផ្សេងទៀត ។
លោកនិយាយថា តាំងពីដើមទីមក អង្គការណាតូ ទទួលស្គាល់ថា ក្នុងការទប់ទល់នឹងការវាយលុករបស់រុស្ស៊ី ពួកគេមិនអាចធ្វើការក្នុងនាមជាសម្ព័ន្ធណាតូបានទេ ។
តួនាទីរបស់សមាជិកអង្គការណាតូ ដូចជាចក្រភពអង់គ្លេស សហរដ្ឋអាមេរិក ប៉ូឡូញ ទួរគី ពិតជាសំខាន់ខ្លាំងណាស់ ។
ថ្លែងនៅទីក្រុងគីវ កាលពីថ្ងៃពុធ លោក Kuleba បាននិយាយប្រាប់ទូរទស្សន៍អង់គ្លេស Sky News ថាតួនាទីរបស់អង្គការសហប្រជាជាតិ(UN) គឺត្រូវតែហ៊ានប្រឈមនឹងការជាប់ពាក់ព័ន្ធចូលរួម ក្នុងដំណើរការជម្លៀសមនុស្សនៅក្នុងទីក្រុងរងការឡោមព័ទ្ធ Mariupo និងរោងចក្រដែកថែប Azovstal ៕
