ខេត្តត្បូងឃ្មុំ៖ឈ្មួញដឹកជ្រូកពីវៀតណាមចូលមកកម្ពុជាដោយសេរីនិងគ្មានច្បាប់ត្រូវបានសមត្ថកិច្ចស្ទាក់ចាប់បាន ខណះកំពុងធ្វើចរាចរណ៍នាំជ្រូកចូលមកទឹកដីខ្មែរ ហើយថៅកុងឡានឈ្មួញបានបញ្ជាររថយន្តជ្រូកដេញបុកសមត្ថកិច្ចផ្អើលពេញផ្លូវហេតុការណ៍មួយនេះបានកើតឡើងនៅលើផ្លូវលំភូមិស្ទឹងតូចឃុំកកស្រុកពញាក្រែកខេត្ត ត្បូង ឃុំកាលពីថ្ងៃទី២៩ខែឧសភាឆ្នាំ២០២២នេះ។
បន្ទាប់ពីមានបញ្ហាបែបនេះបានកើតឡើងសមត្ថកិច្ចបានរាយការណ៍ទៅព្រះរាជអាជ្ញា នៃ អយ្យការអមសាលាដំបូងខេត្តត្បូងឃ្មុំ ដើម្បីចាប់ឃាត់រថយន្តដែលដឹកជញ្ជូនសត្វជ្រូក និងរថយន្តដឹកជ្រូកនេះតែម្តង។
ក្រុមការងារអន្តរាគមន៍បង្ក្រាបបទល្មើសចលនាសត្វនៃអគ្គនាយកដ្ឋានសុខភាពសត្វនិងផលិតកម្មសត្វ សហការជាមួយការិយាល័យផលិតកម្មនិងបសុព្យាបាលនៃមន្ទីរ កសិកម្មខេត្តត្បូងឃ្មុំបានចុះស្ទាក់ចាប់រថយន្ត១ គ្រឿងម៉ាកសាំយ៉ុងអ៊ីស្តាណា(Ssangyong istana)ពណ៌សជាប្រភេទរថយន្ត ដឹកឣ្នកដំណើរ១៥កៅឣីគ្មានស្លាកលេខដឹកសត្វជ្រូករស់ចំនួន៣២ក្បាលដោយគ្មានលិខិតអនុញ្ញាតអ្វីទាំងអស់បម្រុងនឹងយកទៅ ចែកចាយនៅក្រុងសួង។
បន្ទាប់កម្លាំងជំនាញបានឃាត់រថយន្តដឹកជ្រូកខាងលើនេះ ក្រុមការងារបាននាំយកវត្ថុតាងទាំងនោះទៅរក្សាទុកនៅទីតាំងចត្តាឡី ស័កសត្វរបស់មន្ទីរកសិកម្មរុក្ខាប្រមាញ់និងនេសាទខេត្ត ត្បូងឃ្មុំ ដើម្បីយកសំណាកទៅវិភាគតាមបែបវេជ្ជសាស្ត្រចង់ដឹងសត្វជ្រូក ទាំងនោះមានផ្ទុកជំងឺឬអត់។
ចំណែកឈ្មួញដែលនាំសត្វជ្រូកឆ្លងដែនពីវៀតណាមចូលមកកម្ពុជា ដោយគ្មានច្បាប់ទាំងនោះមានគ្នាចំនួន៤នាក់ត្រូវបានសមត្ថកិច្ចព័ទ្ធ ចាប់ខ្លួនបានរួមទាំងពូថៅ២ថែមទៀតអ្នកទាំងនេះត្រូវបានសមត្ថកិច្ចឃុំខ្លួនបណ្តោះអាសន្ន ដើម្បីធ្វើការសួរនាំនឹងចាត់ការទៅតាមនិតិវិធី៕
