គ.ជ.ប បានបង្ហាញភ្នាក់ងារសង្កេតការណ៍ដែលគណបក្សនយោបាយបានដាក់ភ្នាក់ងារសម្រាប់សង្កេតការណ៍ក្នុងថ្ងៃបោះឆ្នោតដែលមានអ្នកសង្កេតការណ៍សរុប៧០៤នាក់ ក្នុងនោះគណបក្សប្រជាជនកម្ពុជាបានដាក់ភ្នាក់ងារសង្កេតការណ៍៤០៦នាក់ គណបក្សហ្វ៊ុនស៊ិនប៉ិច ដាក់ភ្នាក់ងារសង្កេតការណ៍១០៩នាក់ គណបក្សខ្មែររួបរួមជាតិបានដាក់ភ្នាក់ងារសង្កេតការណ៍៩៧នាក់ គណបក្សឆន្ទះខ្មែរ បានដាក់ភ្នាក់ងារសង្កេតការណ៍៦៤នាក់ គណបក្សយុវជនកម្ពុជាបានដាក់ភ្នាក់ងារសង្កេតការណ៍២៨នាក់។
ថ្ងៃទី១០ ខែឧសភា ឆ្នាំ២០១៩ គណៈកម្មាធិការជាតិរៀបចំការបោះឆ្នោតបានរៀបចំកិច្ចប្រជុំជាមួយភាគីពាក់ពន្ធ័ ស្ដីពីការឃោសនាបោះឆ្នោតជ្រើសរើសក្រុមប្រឹក្សាអាណត្ដិទី៣ឆ្នាំ២០១៩។
សម្រាប់ការបោះឆ្នោតជ្រើសរើសក្រុមប្រឹក្សារាជធានីក្រុម ប្រឹក្សាខេត្ដក្រុមប្រឹក្សាក្រុងក្រុមប្រឹក្សាស្រុកក្រុមប្រឹក្សាខណ្ឌអាណត្ដិទី៣ឆ្នាំ២០១៩ ដែលមានអ្នកចូលរួមបោះឆ្នោតមាន១១.៥៧២នាក់ មានការិយាល័យបោះឆ្នោតសរុបចំនួន២០៣ការិយាល័យ និងមានមណ្ឌលបោះឆ្នោតសរុប២២៨មណ្ឌល និងចំនួនសន្លឹកឆ្នោតត្រូវបោះពុម្ពមាន៤៩០៦០សន្លឹក ហើយសន្លឹកឆ្នោតគំរូមានចំនួន៤៦៦០សន្លឹក។
អ្នកសង្កេតការណ៍មកពីអង្គការចំនួន១០ ដែលមានអ្នកសង្កេតការណ៍សរុប៦១៩នាក់ក្នុងនោះមកពីសហភាពសហព័ន្ធយុវជនកម្ពុជា៣០៩នាក់ សមាគមអ្នកលក់ឱសថកម្ពុជាចំនួន១៤នាក់ សមាគមទេសចរ និងបដិសណ្ឋាកិច្ច១៤នាក់ សមាគមសហព័ន្ធវិនិយោគគិនកម្ពុជា១៤នាក់ សមាគមយុវជនសេដ្ឋកិច្ចកម្ពុជា១៤នាក់ សមាគមគ្រឹះស្ថានឧត្ដមសិក្សាកម្ពុជា២៣៤នាក់ សមាគមចម្រើនជាតិចំនួន០២នាក់សមាគមអរុណរះ០៦នាក់ អង្គការសហគមគ្រួសារអភិវឌ្ឍន៍កសិកម្មចំនួន០៦នាក់ សម្ពន្ធ័ស្ដ្រីខ្មែរការពារសិទ្ធិមនុស្សដើម្បីអភិវឌ្ឍន៍០៦នាក់។
ក្នុងនោះក៏មានអង្គការ០៤ បាន ស្នើសុំដាក់អ្នកសង្កេតការណ៍មានអង្គការសមាគមនារីកម្ពុជាដើម្បីសន្ដិភាពនិងអភិវឌ្ឍន៍សម្រាប់ខេត្ដកំពង់ចាម២០នាក់ សហភាពសហពន្ធ័យុវជនកម្ពុជាសម្រាប់ខេត្ដបាត់ដំបងមាន២៨នាក់ សហភាពសហពន្ឌ័យុវជនកម្ពុជាសម្រាប់ខេត្ដបន្ទាយមានជ័យមាន១៨នាក់ និងសហភាពសហពន្ធ័យុវជនកម្ពុជាសម្រាប់ខេត្ដកែបមាន០៤នាក់។
គ.ជ.ប បានចេញប័ណ្ណសារព័ត៌មាន ដល់អ្នកសារព័ត៌មានជាតិបាន១៣៩ នាក់ និងដល់អ្នកសារព័ត៍មានអន្ដរជាតិបាន១២នាក់ក្នុងការចុះយកព័ត៌មានក្នុងពេលបោះឆ្នោតជ្រើសរើសក្រុមប្រឹក្សារាជធានីក្រុមប្រឹក្សាខេត្ដអាណត្ដិទី៣ឆ្នាំ២០១៩៕
