កែប:ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងជាប្រធាន FASMEC នៅថ្ងៃទី២៩ ខែមករា ឆ្នាំ២០២៤ដឹកនាំ និងរៀបចំកម្មវិធីសិក្ខាសាលាស្ដីពី “ការអភិវឌ្ឍន៍អាជីវកម្មក្រោយបរិបទកូវីដ១៩” ជូនសមាជិក សមាជិការបស់ FASMEC នៅខេត្តកែប។
ក្នុងវគ្គសិក្ខាសាលានេះដែរ មានការអញ្ជើញចូលរួមបើកកម្មវិធីក្រោមអធិបតីភាពឯកឧត្តម ប៊ុន យោង អភិបា លរង តំណាងដ៏ខ្ពង់ខ្ពស់របស់ លោក បណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប។
ព្រមទាំងដៃគូសហការឧបត្ថម្ភនានា មាមានដូចជា សហគ្រិនខ្មែរ ,ធនាគារសហគ្រាសធុនតូចនិងមធ្យម កម្ពុជា, មូលនិធិអភិវឌ្ឍជំនាញ(SDF) និងដៃគូសហការផ្សេងៗទៀត ដោយមានSMEចូលរួមចំនួន១៥០នាក់។
គោលបំណងនៃកម្មវិធីសិក្ខាសាលានេះ ដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។
